پولنگ کے دوران کسی بھی خلاف ورزی پر فوری ایکشن لیا جائے گا، چیف الیکشن کمشنر

ضمنی الیکشن کیلئے وزارت داخلہ سے فوج اور رینجرز طلب کی تھی، یقین دہانی نہیں کرائی گئی: سیکریٹری الیکشن کمیشن

اسلام آباد: چیف الیکشن کمشنر نے کہا ہے کہ پولنگ کے دوران کسی بھی خلاف ورزی پر فوری ایکشن لیا جائے گا۔

چیف الیکشن کمشنر نے سندھ میں بلدیاتی انتخابات اور سوات میں ضمنی انتخاب کے موقع پر بیان دیا کہ تمام ووٹرز بلاخوف وخطر اپنا قومی فریضہ ادا کریں اور پولنگ میں کسی بھی قسم کی مداخلت کو برداشت نہیں کیا جائے گا۔

انہوں نے کہا کہ اسلام آباد میں مرکزی مانیٹرنگ و شکایت سیل قائم کیا گیا ہے اور پولنگ کے دوران کسی بھی قسم کی خلاف ورزی پر فوری ایکشن لیا جائے گا۔

یہ بھی پڑھیں: سندھ میں بلدیاتی الیکشن کا پہلا مرحلہ، پولنگ جاری

چیف الیکشن کمشنر نے کہا کہ کراچی اور خیبر پختونخوا میں بھی صوبائی مانیٹرنگ و شکایت سیل قائم کر دیا گیا  ہے جبکہ ڈسٹرکٹ مانیٹرنگ آفیسرز اور مانیٹرنگ ٹیموں کو چوکس رہنے کی ہدایت کی گئی ہے۔

انہوں نے کہا کہ سیکیورٹی ادارے پر امن پولنگ کو یقینی بنائیں، بد امنی اور خلل ڈالنے والوں کے خلاف فوری طور پر کارروائی کی جائے گی۔

متعلقہ خبریں