پی آئی اے نے اسلام آباد کے بعدلاہور سے بھی ملائیشیا کے لئے پروازوں کا سلسلہ بحال کردیا۔ کوویڈ کی پابندیوں کے بعد پہلی پرواز آج صبح لاہور سے کوالالمپور کے لئے روانہ ہوئی۔
لاہور سے براہ راست کوالالمپور کی پروازوں کے آغاز کے موقع پر لاہور ائرپورٹ پر تقریب میں کیک کاٹا گیا اور مسافروں کو پھول پیش بھی کئے گئے۔ جس میں پی آئی اے کے افسران نے شرکت کی۔
پی آئی اے اسلام آباد سے کوالالمپور کے لئے ہفتہ وار دو پروازیں پہلے ہی چلا رہی ہے۔ وزیر ہوابازی کی خصوصی ہدایات پر قومی ائیر لائن نے اپنی پروازوں کی تعداد میں اضافہ کر رہی ہے۔
خواجہ سعد رفیق کا کہنا ہے کہ گرمیوں کی چھٹیوں کے موقع پر سیاحتی مقامات کی پروازوں میں اضافہ کیا جارہا ہے۔ لاہور سے گلگت اور اسکردو کی پروازیں بھی آپریٹ کی جارہی ہیں۔ اور اب باکو اور کوالمپور کی پروازیں بھی لگا دی گئی ہیں۔
