راولپنڈی: سابق وزیر داخلہ شیخ رشید احمد نے کہا ہے کہ جولائی میں مزید مہنگائی سیاسی بحران میں اضافہ کرے گی۔
سابق وزیر داخلہ اور عوامی مسلم لیگ کے سربراہ شیخ رشید احمد نے سماجی رابطے کی ویب سائٹ ٹوئٹر پر لکھا کہ جولائی میں مزید مہنگائی سیاسی بحران میں اضافہ کرے گی۔ ملک ابھی تک عالمی مالیاتی ادارے (آئی ایم ایف) کے حکم نامے اور گرے لسٹ سے نہیں نکلا۔
یہ بھی پڑھیں: ملک میں بجلی کا بحران سنگین صورتحال اختیار کر گیا
انہوں نے کہا کہ سپر ٹیکس بھی غریبوں پر منتقل ہو گیا ہے جبکہ لوگ گھریلو سامان بیچ رہے ہیں اور بچوں کو اسکول سے اٹھا رہے ہیں۔
جولائی میں مزید مہنگائی سیاسی بحران میں اضافہ کرے گی ۔ابھی تکIMFکا حکم نامہ اور گرے لسٹ سے نہیں نکلے۔سپر ٹیکس بھی غریبوں پر منتقل ہوگیا ہے۔لوگ گھریلو سامان بیچ رہے ہیں اور بچوں کو اسکول سے اٹھا رہے ہیں۔مہنگائی اور لوڈشیڈنگ کی ماری عوام کو سڑکوں پر نکلنے سے کوئی نہیں روک سکے گا۔
— Sheikh Rashid Ahmed (@ShkhRasheed) June 29, 2022
شیخ رشید احمد نے کہا کہ مہنگائی اور لوڈشیڈنگ کی ماری عوام کو سڑکوں پر نکلنے سے کوئی نہیں روک سکے گا۔
