وزیراعلیٰ کا انتخاب:پنجاب اسمبلی میں نمبر گیم کی دلچسپ صورتحال

 وزیر اعلیٰ پنجاب کے انتخاب سے متعلق لاہور ہائیکورٹ کے فیصلے کے بعد  پنجاب میں سیاسی صورتحال  دلچسپ مرحلے میں داخل ہو گئی ہے۔وزیر اعلیٰ پنجاب کے دوبارہ الیکشن کی صورت میں کس کے پاس نمبر پورے ہوں گے؟ ایک بار پھر نمبر گیم  اہمیت اختیار کر گئی ہے۔

موجودہ صورتحال میں پنجاب اسمبلی میں حکومتی اتحاد کے پاس  176 اراکین کی حمایت ہے۔مسلم لیگ نون کے پاس پنجاب اسمبلی ایوان میں 165 اراکین ہیں
پیپلز پارٹی کے 7 اراکین ہیں،جبکہ حکوتی اتحاد میں 4 آزاد اراکین اور  1 راہ حق پارٹی کا رکن بھی  شامل ہے۔ اس طرح سے حکومتی اتحاد کو 177 اراکین کی  حمایت حاصل ہو تی ہے۔

یہ بھی پڑھیں:وزارت اعلیٰ کا انتخاب: 25 ووٹ فارغ، دوبارہ گنتی، کوئی نہ جیتے تو پھر الیکشن، عدالت کا حکم

دوسری جانب تحریک انصاف کے پاس ایوان میں 183 اراکین تھے۔تحریک انصاف کے 25 اراکین پنجاب اسمبلی منحرف ہو گئے۔ جس کے بعد  ان کے پاس اراکین کی تعداد 158 رہ گئی۔

مسلم لیگ ق کے پاس پنجاب اسمبلی کے ایوان میں 10 اراکین ہیں۔تحریک انصاف اور ق لیگ کے پاس مجموعی طور پر 168 اراکین ہیں۔

چودھری نثار بطور غیر جانبدار آزاد ایم پی اے ایوان کا حصہ ہیں۔ کسی بھی امیدوار  کو وزیر اعلیٰ پنجاب بننے کے لیے سادہ اکثریت یعنی 173 ووٹ درکار ہوں گے۔

متعلقہ خبریں