سینئر صحافی اور تجزیہ کار ایاز امیر پر نامعلوم افراد نے حملہ کیا ہے جس میں وہ زخمی ہو گئے۔
واقعے سے متعلق ایاز امیر نے بتایا کہ پروگرام کے بعد گھر جارہاتھا ایک گاڑی میں سوار کچھ لوگوں نےراستہ روکا۔
انہوں نے بتایا کہ نامعلوم حملہ آورں نے ان پر تشدد کیا اور موبائل فون چھین کر فرار ہو گئے۔
نامعلوم افراد کا حملہ، تھپڑ مارے گئے، کپڑے پھاڑ دیئے گئے، موبائل فون چھین لیا گیا pic.twitter.com/7K93HsAuwv
— Ayaz Amir (@OfficialAyazMir) July 1, 2022
دوسری جانب صوبائی وزیر داخلہ عطااللہ تارڑ نے واقعے کا نوٹس لیتے ہوئے کہا ہے کہ میں موقعہ پر جا رہا ہوں، کسی کو قانون کو ہاتھ میں لینے کی اجازت نہیں دی جائے گی۔
انہوں نے کہا کہ تشدد کرنے والوں پر پرچہ بھی پو گا اور سخت سے سخت قانونی کارروائی بھی کی جائے گی۔ عدم برداشت نے معاشرے کو بری طرح متاثر کیا ہے۔