ایران میں6.1 شدت کے زلزلے سے5 افراد ہلاک ہو گئے۔
ایران کے خلیجی ساحلی علاقے میں زلزلے سے زمین لرز اٹھی ۔ ایرانی میڈیا کے مطابق زلزلے کے نتیجے میں 5افراد جاں بحق جبکہ 22زخمی ہو گئے ہیں۔
امریکی زلزلہ پیما مرکز کے مطابق زلزلے کی شدت 6.1ریکارڈ کی گئی ۔ زلزلے کا مرکز ایران کے جنوبی ساحلی علاقے کی بندرگاہ لنگا تھا۔
متحدہ عرب امارات کے بعض علاقوں دبئی ، شارجہ اور عجمان میں بھی زلزلے کے شدید جھٹکے محسوس کئے گئے۔
سعودی عرب ، بحرین ، عمان اور قطر میں بھی زلزلے کے جھٹکے محسوس کئے گئے ۔
