ریلوے کا عیدالاضحیٰ پر اسپیشل ٹرینیں چلانے کا فیصلہ

فوٹو: فائل


لاہور: پاکستان ریلوے نے عیدالاضحیٰ پر 3 اسپیشل ٹرینیں چلانے کا فیصلہ کر لیا۔

ترجمان ریلوے کے مطابق پہلی عید اسپیشل ٹرین 8 جولائی کو صبح 10 بجے کوئٹہ سے روانہ ہو گی جو ملتان، ساہیوال، لاہور سے ہوتے ہوئے پشاور پہنچے گی۔

یہ بھی پڑھیں: اب عمران خان کو کوئی نہیں روک سکتا، فواد چودھری

دوسری عید اسپیشل ٹرین بھی 8 جولائی کو کراچی سے شام 6 بج کر 45 منٹ پر روانہ ہو گی جو ملتان، فیصل آباد سے ہوتے ہوئے لاہور پہنچے گی جبکہ تیسری عید اسپیشل ٹرین 13 جولائی کو لاہور سے صبح 11 بج کر 30 منٹ پر روانہ ہو گی۔

لاہور سے روانہ ہونے والی تیسری عید اسپیشل ٹرین فیصل آباد اور ملتان سے ہوتے ہوئے کراچی پہنچے گی۔


متعلقہ خبریں