اسلام آباد: وزیر اعظم شہباز شریف نے کہا ہے کہ عالمی مالیاتی ادارے (آئی ایم ایف) سے معاہدہ ملک میں معاشی مشکلات کم کرے گا۔
وزیر اعظم شہباز شریف نے سماجی رابطے کی ویب سائٹ ٹوئٹر پر وزیر خزانہ اور وزیر خارجہ کی سربراہی میں ٹیم کو مبارکباد دیتے ہوئے کہا کہ مفتاح اسماعیل اور بلاول بھٹو کی سربراہی میں ٹیم کی کوششوں سے آئی ایم ایف پروگرام بحال ہوا۔
انہوں نے کہا کہ یہ زبردست ٹیم ورک تھا اور آئی ایم ایف سے معاہدہ ملک میں معاشی مشکلات کم کرے گا۔
Congratulations to our Finance & Foreign Office teams led ably by Ministers Miftah Ismail & Bilawal Bhutto for their efforts in getting the IMF program revived. It was a great team work. The Agreement with the Fund has set the stage to bring country out of economic difficulties.
— Shehbaz Sharif (@CMShehbaz) July 14, 2022
یہ بھی پڑھیں: آئی ایم ایف سے پیسے ملے تو چیزیں آسان ہو جائیں گی، شوکت ترین
واضح رہے کہ وزیر خزانہ مفتاح اسماعیل نے پاکستان اور آئی ایم ایف کے درمیان معاہدے ہو جانے کا اعلان کیا۔ آئی ایم ایف کے ساتھ معاہدہ ہوجانے کے بعد اب پاکستان کو ایک ارب 17 کروڑ ڈالر ملیں گے۔
مفتاح اسماعیل نے کہا کہ معاہدے میں مدد اور کوششوں پر وزیر اعظم، ساتھی وزرا، سیکرٹریز اور وزارت خزانہ کا شکریہ ادا کرتا ہوں۔
دوسری جانب سابق وزیر خزانہ شوکت ترین نے بھی کہا کہ آئی ایم ایف سے پیسے ملے تو چیزیں آسان ہو جائیں گی۔
