بنگلہ دیش میں توانائی کا بحران،ڈیزل سے چلنے والے پاور پلانٹس بند،لوڈ شیڈنگ شروع

توانائی بچت کے لیےبنگلہ دیش میں  ڈیزل سے چلنے والے پاور پلانٹس بند کر دیے گئے۔  پیٹرول پمپس  بھی  ہفتے  میں ایک دن کے لیے بند رہیں گے۔

 یہ بھی پڑھیں:سری لنکا میں ایک بار پھر ایمرجنسی نافذ

پاور ڈویلپمنٹ بورڈ  کے مطابق توانائی بچت کی نئی پالیسی سے روزانہ تقریباً 1500 میگاواٹ بجلی کا شارٹ فال پیدا ہونے کا امکان ہے۔ شارٹ فال کے باعث ملک بھر میں روزانہ کم از کم دو گھنٹے کی لوڈشیڈنگ کی جائے گی۔

 اس کے علاوہ بجلی بچت کے لیے دفتری اوقات میں کمی، ایئر کنڈیشنر کے استعمال میں اعتدال اور گاڑیوں کے ایندھن کی کھپت کو کم کرنے سمیت دیگر اقدامات بھی زیر غور ہیں۔

 اس سے قبل گزشتہ ماہ  بنگلہ دیش میں  بجلی بچت کے لیے تمام مارکیٹس اور دکانیں 8 بجے بند کرنے کا حکم جاری کیا گیا تھا۔