اسلام آباد: ملک میں کورونا وائرس سے متاثرہ مزید 7 مریض انتقال کر گئے۔
ملک میں ایک بار پھر سے کورونا وائرس سر اٹھا رہا ہے اور متاثرہ افراد کی تعداد میں تیزی سے اضافہ ہو رہا ہے۔ حکومت کی جانب سے ایک بار پھر ایس او پیز پر عملدرآمد کی ہدایت کی گئی ہے۔
نیشنل انسٹیٹیوٹ آف ہیلتھ (این آئی ایچ) کی جاری کردہ رپورٹ کے مطابق گزشتہ 24 گھنٹے کے دوران کورونا سے مزید 679 افراد متاثر ہوئے۔
یہ بھی پڑھیں: امریکہ میں 10 سال بعد پولیو کا کیس سامنے آ گیا
ملک میں کورونا کے مزید 23 ہزار 35 ٹیسٹ کیے گئے جن میں کورونا کے مثبت کیسز کی شرح 2.95 فیصد رہی۔
کورونا سے متاثرہ 166 مریضوں کی حالت تشویشناک ہے جبکہ گزشتہ 24 گھنٹے میں 7 مریض انتقال کر چکے ہیں۔ یاد رہے کہ گزشتہ روز کورونا سے متاثرہ 3 افراد انتقال کر گئے تھے۔
COVID-19 Statistics 22 July 2022
Total Tests in Last 24 Hours: 23,035
Positive Cases: 679
Positivity %: 2.95%
Deaths: 07
Patients on Critical Care: 166— NIH Pakistan (@NIH_Pakistan) July 22, 2022