جتنے حکمران آئے وہ ووٹ سے نہیں سلیکشن سے آئے، سراج الحق

لاہور: امیر جماعت اسلامی پاکستان سراج الحق نے کہا ہے کہ جتنے حکمران بھی آئے وہ ووٹ سے نہیں بلکہ سلیکشن سے آئے۔

امیر جماعت اسلامی پاکستان سراج الحق نے تقریب سے خطاب کرتے ہوئے کہا کہ اللہ کا پیغام ہے کہ لوگوں کو منظم کرو اور ظالمو سے لڑو جبکہ امام حسین رضی اللہ تعالیٰ عنہُ کا پیغام ہے ظلم اور جبر کا مقابلہ کرو۔

انہوں نے کہا کہ اس وقت کے فیصلے پارلیمنٹ کے بجائے بند کمروں میں ہوتے ہیں اور ہم پر جتنے حکمران آئے وہ ووٹ سے نہیں بلکہ سلیکشن سے آئے ہیں۔

یہ بھی پڑھیں: شہدا کی قربانیوں کی وجہ سے پاکستان قائم ہے، صدر مملکت

سراج الحق نے کہا کہ اندھیر نگری اور چوپٹ راج کو کون بدلے گا۔ قومی احتساب بیورو (نیب) چیئرمین نے 7 کروڑ روپے چند سالوں میں تنخواہ لی۔ وزیر صاحب کا پروٹوکول ایسا تھا جیسے کشمیر فتح کیا ہو لیکن گاڑی کے سلنسر سے نکلنے والا دھواں غریب کی کمائی کا ہے۔

انہوں نے کہا کہ میرے ملک میں ظلم و جبر کا نظام ہے اور انصاف نہیں ملتا۔ غریب کی گردن نچوڑ نچوڑ کر حکومت پیسے جمع کرتی ہے۔