پاکستان تحریک انصاف (پی ٹی آئی) کے چیئرمین عمران خان نے کہا ہے کہ شہبازگل کو گرفتار نہیں اغوا کیا گیا ہے۔
اپنی ٹوئٹ میں انہوں نے شہباز گل کی گرفتاری پر ردعمل دیتے ہوئے کہا کہ کیا جمہوریت میں ایسے شرمناک اقدامات ہو سکتے ہیں؟سیاسی ورکرز کے ساتھ دشمنوں جیسے سلوک کیا جا رہا ہے۔
ان کا کہنا تھا کہ سارے ہتھکنڈے بیرونی سازش سے آئی حکومت قبول کرنے کے لیے ہیں۔
یہ گرفتاری نہیں، سراسر اغواء ہے! کسی جمہوریت میں کیا ایسے شرمناک واقعات ممکن ہیں؟ سیاسی کارکنان سے دشمنوں کا سا سلوک روا رکھا جارہا ہے۔ اور یہ سب بیرونی پشت پناہی سےمسلط کی جانےوالی مجرموں کی سرکار کو ہم سے تسلیم کروانے کیلئے کیا جارہا ہے۔ pic.twitter.com/3NYS1BCjtf
— Imran Khan (@ImranKhanPTI) August 9, 2022
پی ٹی آئی رہنما شہباز گل کو گرفتار کرلیاگیا
خیال رہے کہ رہنما پی ٹی آئی شہباز گل کو اسلام آباد سے گرفتار کر لیا گیا ہے۔ان کے خلاف بغاوت کا مقدمہ درج کیا جائے گا۔
پی ٹی آئی رہنما مراد سعید نے شہباز گل کی گرفتاری کی خبر دیتے ہوئے سوشل میڈیا پلیٹ فارم ٹوئٹر پر ایک پیغام میں کہا ہے کہ شہباز گل کو گرفتار کرلیاگیا ۔حکومت بوکھلاہٹ کا شکار ہے۔
ان کا کہنا ہے کہ شہباز گل کی گاڑی کے شیشے بھی توڑ دیئے گئے۔ شہباز گل کی گاڑی پر حملہ آور ہوئے،اسٹنٹ پر تشدد کیا، شہباز گل کو اغوا کر لیا گیا۔