شہباز گل کے ڈرائیور کی اہلیہ جلد رہا ہو جائیں گی، رانا صاحب سے بات کی ہے، مریم نواز

شہباز گل کے ڈرائیور کی اہلیہ جلد رہا ہو جائیں گی، رانا صاحب سے بات کی ہے، مریم نواز

اسلام آباد: پاکستان مسلم لیگ (ن) کی مرکزی نائب صدر مریم نواز نے کہا ہے کہ کسی کے ساتھ زیادتی نہیں ہونی چاہیے، ہمارے ساتھ زیادتی کرنے والوں کے ساتھ بھی نہیں۔

شہبازگل کے ڈرائیور کی اہلیہ کو بھی اٹھا لیا، کیا بنیادی انسانی حقوق نہیں رہے؟ عمران خان

ہم نیوز کے مطابق سابق وزیراعظم میاں نواز شریف کی صاحبزادی مریم نواز نے یہ بات سماجی رابطوں کی ویب سائٹ ’ٹوئٹر‘ پر جاری کردہ اپنے ایک بیان میں کہی ہے۔

سماجی رابطوں کی ویب سائٹ ٹوئٹر پر ایک صارف نے شہباز گل کے ڈرائیور کی بیٹی کی تصویر شیئر کرتے ہوئے لکھا تھا کہ اس معصوم بچی اور اس کی ماں نے کیا جرم کیا ہے؟ کیا کوئی اس سے متعلق بتانے والا ہے؟

عمران خان کی امریکی سفیر سے ملاقات کا علم نہیں، شہباز گل کا بیان پارٹی پالیسی نہیں، اسد عمر

مریم نواز نے اس کے جواب میں لکھا کہ میری اطلاعات کے مطابق بچی ساتھ نہیں ہے مگر بچی کی ماں کو بھی رہا کردینا چاہیے، میں نے رانا صاحب سے بات کی ہے۔

مریم نواز نے ایک اور صارف کے سوال کے جواب میں یہ یقین دہانی بھی کرائی ہے کہ انشا اللہ وہ جلد رہا ہوجائیں گی۔

شہبازگل خوش قسمت ہیں فیصل آباد کے ہیں، یہاں ایک تقریر سننے پر 28 انسداد دہشت گردی کی ایف آئی آرز کاٹی گئیں، وفاقی وزیر

ہم نیوز کے مطابق ٹوئٹر صارف نے مریم نواز سے درخواست کی تھی کہ میم ذاتی طور پر رابطہ کر کے اس کا حل کروائیں۔

متعلقہ خبریں