کیلیفورنیا: واٹس ایپ نے صارفین کی پرائیویسی کے تحفظ کے لیے مزید 3 نئے فیچرز متعارف کرا دیئے۔
غیر ملکی خبر رساں ایجنسی کے مطابق پیغام رسانی کے لیے دنیا کی سب سے زیادہ استعمال کی جانے والی ایپلیکیشن واٹس ایپ نے صارفین کی سہولت کے لیے مزید فیچرز متعارف کرائے۔
واٹس ایپ پر اب “لاسٹ سین” کا آپشن صارفین اپنی مرضی سے استعمال کر سکیں گے اور اپنے پسندیدہ افراد کے لیے کھول یا بند کر سکیں گے۔ اس سے پہلے لاسٹ سین کا آپشن تمام افراد کے لیے کھولا جاتا یا پھر بند کیا جاتا تھا۔
اب واٹس ایپ گروپ خاموشی سے بھی چھوڑا جا سکے گا۔ اس سے قبل واٹس ایپ گروپ چھوڑا جاتا تو گروپ کے تمام ممبرز کو معلوم ہو جاتا تھا لیکن اب ایسا نہیں ہو گا۔ واٹس ایپ چھوڑنے والا شخص خاموشی سے بھی گروپ سے باہر ہو سکے گا جس کا کسی کو بھی معلوم نہیں ہو گا لیکن صرف گروپ ایڈمن کو پتہ چلے گا کہ کون گروپ چھوڑ کر چلا گیا ہے۔
یہ بھی پڑھیں: ایلون مسک کی زندگی کا فلسفہ کیا ہے؟
واٹس ایپ 2021 میں ایک نیا فیچر لایا تھا جس کے نتیجے میں کوئی بھی صارف دوسرے صارف کو ویڈیو یا تصویر صرف ایک بار بھیج سکتا ہے اور وہ تصویر یا ویڈیو کھولنے کے بعد خود بخود ختم ہوجائے گی اس فیچر کو “ویو ونس” یعنی ایک بار دیکھیں کا نام دیا گیا تھا لیکن اب یہ سہولت ختم کی جا رہی ہے اور واٹس ایپ یہ اقدام مواد کی حساسیت کو برقرار رکھنے کے لیے کر رہا ہے۔
واٹس ایپ کے مطابق یہ فیچرز ابھی ٹیسٹنگ کے مراحل میں ہیں اور جلد ہی انہیں صارفین کے لیے کھول دیا جائے گا۔
