راولپنڈی: سابق وفاقی وزیر داخلہ شیخ رشید احمد نے کہا ہے کہ ملک خانہ جنگی کے دہانے پر پہنچ گیا ہے اور مہنگائی 43 فیصد بڑھ گئی۔
سابق وزیر داخلہ شیخ رشید احمد نے سماجی رابطے کی ویب سائٹ ٹوئٹر پر لکھا کہ ملک میں 43 فیصد مہنگائی بڑھ گئی ہے جبکہ معاشی سلامتی اور قومی سلامتی کے بعد 4 ارب ڈالر کے لیے قومی اثاثے بھی داؤ پہ لگا دیئے ہیں۔
انہوں نے کہا کہ ملک خانہ جنگی کے دہانے پر پہنچ گیا ہے۔
یہ بھی پڑھیں: عمران خان کو اسلام آباد پولیس نے شہباز گل سے ملاقات سے روک دیا
شیخ رشید احمد نے کہا کہ وہ آج 3 بجے لیاقت باغ میں پریس کانفرنس کریں گے اور شام کو اسلام آباد ریلی میں بھی شامل ہوں گے۔
انہوں نے کہا کہ کل لیاقت باغ میں عمران خان کا تاریخی جلسہ ہو گا۔
ملک میں43فیصد مہنگائی بڑھ گئی ہے۔معاشی سلامتی اور قومی سلامتی کے بعد4ارب ڈالر کے لیےقومی اثاثے بھی داؤ پہ لگا دیے ہیں۔ملک خانہ جنگی کے دہانے پر پہنچ گیاہے۔آج3بجے لیاقت باغ میں پریس کانفرنس کروں گا،شام کو اسلام آباد ریلی میں شامل ہونگے۔کل لیاقت باغ میں عمران خان کاتاریخی جلسہ ہوگا
— Sheikh Rashid Ahmed (@ShkhRasheed) August 20, 2022
