روٹر ڈیم: پاکستان نے تین ایک روزہ میچوں کی سیریز کے آخری میچ میں نیدرلینڈز کو شکست دے کر سیریز میں کلین سوئپ کر لیا ہے۔
آئندہ 4 سال میں 10 غیر ملکی کرکٹ ٹیمیں پاکستان آئیں گی
ہم نیوز کے مطابق 207 رنز کے ہدف کے تعاقب میں نیدر لینڈز کی ٹیم صرف 197 رنز بنا سکی۔ نیدر لینڈز کی جانب سے ٹام کوپر 62 اور وکرم جیت سنگھ 50 رنز بنا کر نمایاں رہے۔
پاکستان نے تیسرےون ڈے میں نیدرلینڈز کو 9 رنزسے شکست دے کر سیریز تین صفر سے اپنے نام کر لی ہے۔
تیسرے ونڈے میچ میں پاکستان کی جانب سے نسیم شاہ نے 5 جب کہ محمد وسیم نے 4 کھلاڑیوں کو پویلین کی راہ دکھائی۔
واضح رہے کہ پاکستان نے تیسرے ون ڈے میچ میں نیدرلینڈز کو جیت کے لیے 207 رنز کا ہدف دیا تھا، میچ میں قومی کرکٹ ٹیم 49.4 ویں اوورز میں 206 رنز بنا کر آل آؤٹ ہوگئی تھی۔
دوسرا ون ڈے، نیدرلینڈز کو شکست، سیریز پاکستان کے نام
قومی ٹیم کے کپتان بابر اعظم 91 رنز بنا کر آؤٹ ہوئے تھے جب کہ محمد نواز 27، فخر زمان 26 اور آغا سلمان 24 رنز کے ساتھ دیگر نمایاں بلے باز رہے تھے۔
گرین کیپ کی جانب سے ڈیبیو کرنے والے عبداللّٰہ شفیق نے 2 ، خوشدل شاہ نے 2، محمد حارث نے 4 اور محمد وسیم نے 11 رنز بنائے تھے۔
نیدرلینڈز سے میچ، پاکستان کے 2کرکٹرز کا ڈیبیو
نیدلینڈز کی جانب سے باس ڈے لیڈے 3 وکٹیں لے کر کامیاب رہے تھے، وویان کنگما نے 2 کھلاڑیوں کو آؤٹ کیا تھا جب کہ آریان دت، شارض احمد اور لوگان وین بیک کے حصے میں ایک ایک وکٹ آئی تھی۔
🪙 Pakistan have won the toss and elected to bat first 🏏#NEDvPAK | #BackTheBoysInGreen https://t.co/rvZEMPYdlN pic.twitter.com/wTl11XsFw0
— Pakistan Cricket (@TheRealPCB) August 21, 2022
پاکستان نے تیسرے ایک روزہ میچ میں ٹاس جیت کر نیدرلینڈز کے خلاف پہلے بیٹنگ کا فیصلہ کیا تھا، تیسرے ون ڈے میں پاکستان کی ٹیم میں 4 تبدیلیاں کی گئی تھیں۔ پاکستان پہلے ہی دو میچ جیت کر سیریز اپنے نام کر چکا تھا۔
پہلا ون ڈے، پاکستان نے نیدرلینڈ کو 16 رنز سے شکست دے دی
ہم نیوز کے مطابق آج کے میچ میں عبداللّٰہ شفیق، محمد حارث، زاہد محمود اور شاہنواز دھانی کو ٹیم میں شامل کیا گیا تھا جب کہ محمد رضوان، حارث رؤف، امام الحق اور نائب کپتان شاداب خان کو آرام کرایا گیا تھا۔