رہنما تحریک انصاف شہباز گل پر تشدد کا معاملہ، امریکی ماہرِ فلسفی، سماجی اور سیاسی کارکن پروفیسر نوم چومسکی کی جانب سے چیف جسٹس عمر عطا بندیال کے نام اوپن لیٹر لکھا گیا ہے۔
اس لیٹر کو اوور سیز پاکستانی ووٹرز نامی اکاؤنٹ پر ٹوئٹ کے ذریعے شیئر کیا گیا ہے جسے سابق وفاقی وزیر فواد چوہدری نے ری ٹوئٹ کیا ہے۔
ٹوئٹ کے مطابق پروفیسر نوم چومسکی نے چیف جسٹس عمر عطا بندیال کے نام میں شہباز گل پر ہونے والے تشدد پر اظہار تشویش کرتے ہوئے اسے انسانی حقوق کی خلاف ورزی قرار دیا ہے۔
📢Breaking News
📜In an open letter to Chief Justice Bandial, over 60 national and int’l civil society leaders, artists, journalists & academics, including Prof Noam Chomsky, have raised concern over the torture of @UofIllinois Prof @SHABAZGILcc @IlliniBizDean 🧵 pic.twitter.com/QzW6RKeSfg
— Overseas Pakistani Voters | اوورسیز پاکستانی ووٹرز (@OPVoters) August 22, 2022
پروفیسر نوم چومسکی سمیت 60 سے زائد قومی اور بین الاقوامی سول سوسائٹی کے رہنماؤں، فنکاروں، صحافیوں اور ماہرین تعلیم نے بھی شہباز گِل پر ہونے والے تشدد پر تشویش کا اظہار کیا ہے۔
واضح رہے کہ پاک آرمی کے خلاف بغاوت پر اکسانے کے الزام میں گرفتار پی ٹی آئی رہنما شہباز گِل کو پولیس حراست میں شدید تشدد بنانے کی خبریں زیر گردش ہیں۔
شہباز گل عدالت میں بھی پیش ہوئے تو انہیں سانس کی دشواری کا سامنا تھا جس وجہ سے وہ سانس لینے کیلئے ماسک کا مطالبہ کرتے رہے اور کہتے رہے کہ انہیں سانس نہیں آرہا ہے۔
