کاروباری ہفتے کے پہلے روز سونے کی قیمت میں ایک بار پھر بڑا اضافہ ہوا ہے۔
سندھ صرافہ بازار ایسوسی ایشن کے مطابق سونے کی فی تولہ قیمت میں 3 ہزار550 روپے کا اضافہ ہوا ہے جس کے بعد اس کی نئی قیمت ایک لاکھ46 ہزار150 روپے ہو گئی ہے۔
جب کہ 10 گرام سونے کی قیمت 3 ہزار44 روپے اضافے سے ایک لاکھ 25 ہزار300 روپے ہو گئی۔
دوسری جانب ملک میں ڈالر کی قدر میں آج 2 روپے اضافہ ہوا ہے۔
اسٹیٹ بینک آف پاکستان کی جانب سے جاری اعداد و شمار کے مطابق انٹربینک تبادلہ مارکیٹ میں آج ڈالر 2 روپیہ ایک پیسے مہنگا ہوا ہے۔
انٹربینک میں کاروبار کے اختتام پر ڈالر 2 روپیہ ایک پیسے مہنگا ہو کر 216.65 روپےکا ہے۔
Interbank closing #ExchangeRate for todayhttps://t.co/8dAJCDM8S3 pic.twitter.com/KDnHdBBAi4
— SBP (@StateBank_Pak) August 22, 2022
