کراچی: صوبہ سندھ میں بارشوں کی صورتحال کے باعث سرکاری و نجی اسکولوں و کالجوں کو مزید دو دن کے لیے بند کرنے کا اعلان کردیا گیا ہے۔
ہم نیوز کے مطابق محکمہ تعلیم سندھ کے تحت صوبے کے تمام سرکاری و نجی اسکول اور کالج 26 اور 27 اگست کو بند رہیں گے۔
اس ضمن میں محکمہ اسکولز و کالجز ایجوکیشن کی جانب سے باقاعدہ نوٹی فکیشن بھی جاری کردیا گیا ہے۔
واضح رہے کہ اس سے قبل بھی 24 اور 25 اگست کو صوبہ سندھ میں بارشوں کی پیشن گوئی کی وجہ سے تمام سرکاری و نجی اسکول و کالج کو بند رکھنے کا اعلان کیا گیا تھا۔