کشمیر پریمیئر لیگ ٹو کا فائنل بارش کے باعث منسوخ کر دیا گیا۔ شعیب ملک کی ٹیم میر پور رائلز کو چیمپئن قرار دیا گیا۔
کے پی ایل سیزن ٹو کے فائنل میں میر پور رائلز اور باغ اسٹالیئنز کا ہونے والا مقابلہ بارش کی نذر ہوگیا۔
مظفر آباد میں مسلسل بارش کے باعث فائنل کا کھیل ممکن نہ ہوسکا۔
⭐️ 𝗧𝗜𝗧𝗟𝗘 𝗪𝗜𝗡𝗡𝗘𝗥𝗦 ⭐️ @MirpurRoyals take home the winning title of Kingdom Valley Kashmir Premier League Season 2 on the basis of finishing higher on the points table after league stage. #KingdomValleyKPL #KheloAazadiSe pic.twitter.com/BJSKboPgME
— Kashmir Premier League (@kpl_20) August 26, 2022
میرپور رائلز کو لیگ مرحلے میں پوائنٹس ٹیبل پر برتری کی بنیاد پر چیمپئن قرار دیا گیا۔
مجموعی طور پر چھ میچ کھیل کر میر پور رائلز آٹھ پوائنٹس کے ساتھ پوائنٹس ٹیبل پر سرفہرست تھی۔ جب کہ باغ اسٹالینز سات پوائنٹس کے ساتھ دوسرے نمبر پر تھی۔
واضح رہے کہ خراب موسم کی وجہ سے ٹورنامنٹ کے پلے آف مرحلے کے چاروں میچ مکمل طور پر منسوخ ہو گئے تھے۔