پی ٹی آئی رہنما فواد چودھری نے حکومت سے آئی ایم ایف ڈیل کی تفصیلات سامنے لانے کا مطالبہ کردیا۔
رہنما پی ٹی آئی فواد چودھری کا کہنا ہے کہ مہنگائی کی شرح چوالیس فیصد سے زیادہ ہوچکی ہے ، بجلی اور تیل کی قیمت ادا کرنا مڈل کلاس کیلئے ناممکن ہوگیا۔
مہنگائ کی شرح44% سے زائد ہو چکی ہے بجلی اور تیل کی قیمت ادا کرنا مڈل کلاس کیلئے ناممکن بن چکا ہے ان حالات میں حکومت کو IMF ڈیل پر مکمل Disclosure دینا ہو گاموجودہ حکومت میں شامل سیاستدانوں کی مالیاتی معاملات میں حیثیت متنازعہ ہے ان کی باتوں پر آنکھیں بند کر کے اعتبار نہیں کر سکتے
— Ch Fawad Hussain (@fawadchaudhry) August 28, 2022
انہوں سوشل میڈیا پلیٹ فارم ٹوئٹر پر ایک پیغام میں مطالبہ کیا ہے کہ ان حالات میں حکومت کو آئی ایم ایف سے ہونے والی ڈیل پر مکمل وضاحت دینا ہوگی اور تمام شرائط کو سامنے لانا ہوگا۔
یہ بھی پڑھیں:بجلی اور گیس کے نرخوں میں اضافہ کریں گے، آئی ایم ایف کو یقین دہانی
انہوں نے کہا ہے کہ موجودہ حکومت میں شامل سیاستدانوں کی مالیاتی معاملات میں حیثیت متنازعہ ہے۔ان کی باتوں پرآنکھیں بند کر کے اعتبار نہیں کر سکتے۔
واضح رہے کہ اس سے قبل پی ٹی آئی کی جناب سے موقف اختیار کیا گیا ہے کہ خیبر پختونخوا اور پنجاب حکومت آئی ایم ایف سے ہونیوالی ڈیل کی شرائط کو تسلیم نہیں کرےگی۔