راولپنڈی: سابق وزیر داخلہ شیخ رشید احمد نے کہا ہے کہ حکومت سیلاب کے بہانے بھارت سے تجارت اور اسرائیل سے دوستی کرے گی۔
سابق وزیر داخلہ اور عوامی مسلم لیگ کے سربراہ شیخ رشید احمد نے سماجی رابطے کی ویب سائٹ ٹوئٹر پر لکھا کہ دنیا میں تیل کی قیمت کم ہو رہی ہے لیکن حکومت نے یہاں اضافہ کر دیا ہے۔
انہوں نے کہا کہ حکومت ڈیزل 10 روپے اور بجلی ساڑھے 4 روپے مہنگی کر رہی ہے جبکہ عوام کو بے زبان اور بے آواز سمجھنے والے پچھتائیں گے۔
شیخ رشید احمد نے کہا کہ عدلیہ کا ذمہ دارانہ اور دانشمندانہ رویہ قابل تعریف ہے جبکہ حکومت سیلاب کے بہانے بھارت سے تجارت اوراسرائیل سے دوستی کرے گی۔
دنیا میں تیل کی قیمت گررہی ہے،حکومت ڈیزل10روپے اور بجلی4.5روپے مہنگی کررہی ہے۔عوام کو بے زبان،بے اوازسمجھنے والےپچھتائیں گے۔غذائی قلت گوداموں اوردکانوں کو لوٹ وائےگی۔عدلیہ کا ذمہ دارانہ اور دانشمندانہ رویہ قابل تعریف ہے۔یہ سیلاب کے بہانے انڈیا سے تجارت اوراسرائیل سے دوستی کریں گے
— Sheikh Rashid Ahmed (@ShkhRasheed) September 1, 2022
سابق وزیر داخلہ نے دعویٰ کیا کہ ستمبر اور اکتوبر ستمگر مہینے ہیں اور یہ سیاسی بھونچال لائیں گے۔ ن اور ش ہی آمنے سامنے نہی بلکہ پی ڈی ایم بھی ٹوٹ پوٹ کا شکار ہو گی۔
یہ بھی پڑھیں: وزیراعظم کا سیلاب سےمتاثرہ طلبہ کےلیے خصوصی پیکج دینے کا فیصلہ
انہوں نے کہا کہ تعیناتیاں، تنزلیاں، تبدیلیاں اور اہم عدالتی فیصلے انہی 2 مہینوں میں ہوں گے۔ سیلاب کے بعد غذائی اور وبائی بحران آئے گا جبکہ نواز شریف کے راستے کی رکاوٹ شہباز شریف خود بنیں گے۔
ستمبر اور اکتوبر ستمگر مہینے ہیں یہ سیاسی بھونچال لائیں گے۔ن اور ش ہی آمنے سامنے نہیPDMبھی ٹوٹ پوٹ کا شکار ہوگی۔تعیناتیاں،تنزلیاں،تبدیلیاں اور اہم عدالتی فیصلے انہی دو مہینوں میں ہوں گے۔سیلاب کے بعد غذائی اور وبائی بحران ائے گا۔نوازشریف کے راستے کی رکاوٹ شہباز شریف خود بنیں گے
— Sheikh Rashid Ahmed (@ShkhRasheed) September 1, 2022