سیلاب سے تباہی، دبئی کے حکمران نے 50 ملین درہم امداد کا اعلان کر دیا


دبئی کے حکمران شیخ محمد بن راشد آل مکتوم نے پاکستان میں سیلاب زدگان کے لیے امداد کا اعلان کیا ہے۔

پاکستان میں کروڑوں لوگ سیلاب سے شدید متاثر ہیں، شیخ محمد بن راشد آل مکتوم کی سیلاب متاثرین کے لیے 50 ملین درہم کی فوری امداد کی ہدایت کی ہے۔

خوراک کی یہ امداد محمد بن راشد المکتوم گلوبل انیشیٹوز، ورلڈ فوڈ پروگرام اور محمد بن راشد المکتوم ہیومینٹیرین اینڈ چیریٹی اسٹیبلشمنٹ کے تعاون سے فراہم کی جائے گی، فوری امداد فراہم کرنے کی مہم عالمی سطح پر قدرتی آفات اور بحرانوں سے متاثرہ افراد کی مدد کے لیے متحدہ عرب امارات کی روایت کے مطابق ہے۔

یہ بھی پڑھیں: سیلاب متاثرہ بہن، بھائیوں کا بوجھ کم کرنے میں کوئی کسر نہ چھوڑیں، آرمی چیف

پیر کو بھی یو اے ای کی جانب سے پہلی کھیپ پاکستان پہنچی جس میں متحدہ عرب امارات کی امداد میں 3 ہزار ٹن خوراک کا سامان، طبی اور دواسازی کی اشیاء کے ساتھ ساتھ خیمے اور پناہ گاہ کے لیے سامان شامل تھا۔


متعلقہ خبریں