سبزیوں کی قیمتوں میں ہوشربا اضافہ: شہریوں کی مالی مشکلات مزید بڑھ گئیں

سبزیوں کی قیمتوں میں ہوشربا اضافہ: شہریوں کی مالی مشکلات مزید بڑھ گئیں

گوجرانوالہ: ملک کے دیگر شہروں کی طرح گوجرانوالہ میں بھی سبزیوں کی قیمتوں میں ہوشربا اضافہ ہو گیا ہے جس نے مہنگائی سے پہلے ہی پریشان شہریوں کو مزید مالی مشکلات سے دوچار کردیا ہے۔

پیاز، ٹماٹر اور سبزیاں ایران سے منگوانے کی منظوری دی تو تنقید شروع کردی گئی، خدارا! عام آدمی کو متاثر نہ کریں، نوید قمر

ہم نیوز کے مطابق مارکیٹ میں اس وقت ہری مرچ 400 روپے فی کلو، لیموں 400 روپے فی کلو، ادرک 450 روپے فی کلو اور لہسن 400 روپے فی کلو میں فروخت ہو رہا ہے۔

مارکیٹ سروے کے مطابق شملہ مرچ 500 روپے فی کلو، مٹر 400 روپے فی کلو، پھلیاں 500 روپے فی کلو، کھیرا 200 روپے فی کلو میں فروخت کیا جا رہا ہے۔

ہم نیوز کے مطابق گوجرانوالہ کی مارکیٹ میں ایک کلو ٹماٹر کی قیمت 250 روپے ہے جب کہ کریلا 300 روپے فی کلو، بھنڈی 200 روپے فی کلو، بند گوبھی 300 روپے فی کلو، پیاز 200 روپے فی کلو اور آلو 80 روپے کلو میں دستیاب ہے۔

پھل، سبزیاں اگانے کے لیےسرکاری ملازمین کو ایک دن کی اضافی چھٹی

واضح رہے کہ شدید بارشوں اور سیلاب کے بعد ملک کے بیشتر علاقوں میں سبزیوں کی قیمتوں میں نا قابل یقین حد تک اضافہ ہوا ہے جس کے بعد وفاقی وزارت تجارت نے ایران اور افغانستان سے سبزیاں و پھل منگوانے کی منظوری دی ہے۔

متعلقہ خبریں