اسلام آباد: صدر مملکت ڈاکٹر عارف علوی نے کہا ہے کہ عدلیہ اور فوج سمیت تمام اداروں کو سیاسی پوائنٹ اسکورنگ کیلئے استعمال نہ کیا جائے۔
ہم نیوز کے مطابق صدر مملکت ڈاکٹر عارف علوی نے یہ بات سینئر صحافیوں سے بات چیت کرتے ہوئے کہی۔ انہوں ںے کہا کہ اداروں کے خلاف تبصرے قومی مفاد میں نہیں ہیں۔
ڈاکٹرعارف علوی نے کہا کہ اداروں پر تبصرہ کرتے ہوئے آئین کے آرٹیکل 19 کی حدود میں رہنا چاہیے، کوئی بھی بیانیہ جس سے اداروں اور عوام میں تقسیم کا اندیشہ ہو اجتناب کیا جائے۔
ہم نیوز کے مطابق صدر مملکت ڈاکٹر عارف علوی نے کہا کہ پاکستان میں موسمیاتی تبدیلی نے 3 کروڑ 30 لاکھ سے زائد افراد کو متاثرکیا ہے، سیاست کو روک کر سیلاب زدگان کی بحالی پر توجہ دی جائے۔
