بارشوں اور سیلاب کے باعث ملک میں24 گھنٹے کے دوران مزید 57 افراد جان کی بازی ہار گئے
این ڈی ایم اے نے بارشوں اور سیلاب کی تباہ کاریاں سے متعلق تازی رپورٹ جاری کر دی۔ این ڈی ایم اے کے مطا بق ملک بھر میں گزشتہ 24 گھنٹے میں 57 افراد جاں بحق،7 ہزار 683 زخمی ہوئے۔
یہ بھی پڑھیں:گوگل کا پاکستانی سیلاب متاثرین کیلئے 5 لاکھ ڈالر امداد کا اعلان
رپورٹ کے مطابق سیلاب اور بارشوں کے باعث 14 جون سے اب تک ایک ہزار 265 ا موات ہوئیں۔ 12 ہزار 577 افراد زخمی ہوئے ہیں۔
بلوچستان میں 257،سندھ میں 470،پنجاب میں 188 اور خیبر پختونخوا میں 285 افراد جاں بحق ہوئِے۔بارشوں اور سیلاب کے باعث آزاد کشمیر میں 42،گلگت بلتستان میں 22 افراد جان کی بازی ہار گئے۔
اب تک بارشوں اور سیلاب سے 14 لاکھ 27 ہزار 39 مکانات کو مکمل اور جزوی نقصان پہنچا۔ملک بھر میں 7 لاکھ 35 ہزار 584 مویشی مر چکے ہیں۔
یہ بھی پڑھیں:سیلاب کا سارا پانی سمندر میں جا رہا، الیکشن کے بعد کالا باغ ڈیم بنانے پر زور دیں گے،پرویز الہیٰ
این ڈی ایم اے مطابق سیلاب اور بارشوں سے بلوچستان میں ایک ہزار 500 کلومیٹر شاہرائیں متاثر ہوئیں اور 18 پلوں کو نقصان پہنچا۔سندھ میں 2 ہزار 328 کلومیٹر شاہرائیں اور 60 پل متاثر ہوئے۔
پنجاب میں 130 کلومیٹر،خیبر پختونخوا میں ایک ہزار 589 کلومیٹر،گلگت بلتستان میں 16 کلومیٹر شاہراہیں اور 65 پل سیلاب میں بہہ گئے۔
