ایشیا کپ میں پاکستان اور بھارت میں ایک بار پھر جوڑ پڑے گا۔ روایتی حریف سپر فور مرحلے میں 4ستمبر کو آمنے سامنے ہوں گے۔
ایشیا کپ ٹی ٹوئنٹی ٹورنامنٹ میں سپر فور مرحلے کا آغاز آج سے ہو گا۔ بھارت ، افغانستان ، سری لنکا اور پاکستان سپر فور مرحلے میں پہنچ چکے ہیں۔
یہ بھی پڑھیں:ایشیا کپ2022 : محمد رضوان کی پرفارمنس سے وسیم اکرم ناخوش
اپشیا کپ میں ایک اور بڑا مقابلہ طے پاگیا۔ پاکستان کا بھارت کے ساتھ دوسرا ٹاکرا کل ہوگا۔ دونوں ٹیمیں سپر فور مرحلے میں دبئی میں آمنے سامنے ہوں گی۔
سپر فور کے پہلے میچ میں آج شارجہ میں سری لنکا اور افغانستان کی ٹیمیں مد مقابل ہوں گی۔بھارت اور سری لنکا کی ٹیموں کے درمیان 6 ستمبر کو دبئی میں میچ ہو گا۔
قومی ٹیم سات ستمبر کو افغانستان کیخلاف میچ کھیلے گی۔ 8 ستمبر کو دبئی میں بھارت اور افغانستان کی ٹیمیں مد مقابل ہوں گی۔ قومی ٹیم کا نو ستمبر کو سری لنکا سے بھی دبئی میں مقابلہ ہوگا۔
یہ بھی پڑھیں:بھارت کو بڑا دھچکا، اہم کھلاڑی ایشیا کپ سے باہر
ایشیا کپ کا فائنل 11 ستمبر کو سپر فور کی دو ٹاپ ٹیموں کے درمیان دبئی میں ہو گا۔
یاد رہے کہ گروپ اسٹیج پر بھارت نے دلچسپ مقابلے کے بعد پاکستان کیخلا ف میچ آخری اوور میں جیتا تھا۔
