قوم سیلاب میں اور عمران خان اپنی میں میں پھنسے ہوئے ہیں، مریم اورنگزیب

وفاقی وزیر اطلاعات مریم اورنگزیب نے کہا ہے کہ قوم سیلاب میں اور عمران خان اپنی میں میں پھنسے ہوئے ہیں۔

چیئرمین پی ٹی آئی عمران خان کے خطاب پر ردعمل دیتے ہوئے انہوں نے کہا کہ سیلاب میں ڈوبے جنوبی پنجاب میں آپ کے سر پہ شہباز شریف اور مریم نواز سوار ہیں، سیلاب زدہ علاقوں کے عوام کو کچھ دینے کے بجائے عمران خان نےپھر اپنی جھوٹی سیاست کا پیٹ بھرا۔

انہوں نے کہا کہ عمران خان پاکستان میں انصاف نہیں، تحریک انصاف کا انتقامی نظام چاہتے ہیں،اپنی کرپشن کے مقدمات سے بچنے کیلئے عمران خان نے تحریک فساد شروع کی ہے۔

سابقہ فیصلے انصاف کے ترازو کا منہ چڑھا رہے ہیں، مریم اورنگزیب

ان کا کہنا تھا کہ پاکستان میں استحکام آ رہا ہے،آپ کی ملک کو سری لنکا بنانے کی سازش ناکام ہو چکی ہے۔ مریم اورنگزیب نے کہا کہ عمران صاحب 4 سال کیا کیا اور باتیں کیا کر رہے ہیں۔