دبئی: ایشیا کپ میں روایتی حریفوں میں ایک بار پھر تگڑا مقابلہ ہوا اورپاکستان نے ایشیا کپ میں شکست کا بدلہ لیتے ہوئے بھارت کو 5 وکٹوں سے ہرا دیا۔
These moments 😍
Second-highest successful chase in T20Is in UAE ✅#AsiaCup2022 | #INDvPAK pic.twitter.com/uRVhxvCzlK
— Pakistan Cricket (@TheRealPCB) September 4, 2022
پاکستان کے کپتان بابر اعظم نے ٹاس جیت کر بھارت کو پہلے کھیلنے کی دعوت دی، بھارتی ٹیم نے 182 رنز کے ہدف دیا جس کے تعاقب میں بابر اعظم اور محمد رضوان نے اننگز کا آغاز کیا۔
بھارت کیخلاف پاکستان کی پہلی وکٹ22رنز پر گری جب بابر اعظم 14 رنز بنا کر کیچ آوٹ ہو گئے،ان کی جگہ فخر زمان آئے اور پاکستان کے مجموعی 63 رنز پر وہ بھی 15 رنزبنا کرکیچ دے بیٹھے۔
محمد رضوان کا ساتھ دینے محمد نواز آئے اور انہوں نے جارحانہ اننگز کھیلی اور 20 گیندوں پر 42 رنز بنا کر پاکستان کی پوزیشن مستحکم کر دی۔ محمد رضوان نے ایک اینڈ کو سنبھالے رکھا اور بالاخر 71 رنز بنا کر پانڈیا کی گیند پر کیچ آوٹ ہو گئے۔
محمد رضوان کے جانے کے بعد خوشدل شاہ اور آصف علی نے ذمہ دارانہ اور جارحانہ بیٹنگ کرتے ہوئے پاکستان کی جیت کو یقینی بنا دیا۔ 20 ویں اوورز کی چوتھی گیند پر آصف علی ایل بی ڈبلیو ہو گئے، اس وقت پاکستان کو جیت کے لیے صرف دو رنز درکار تھے۔ انہوں نے 8 گیندوں پر 16 رنز بنائے۔
آصف علی کی جگہ افتخار احمد آئے اور انہوں نے پہلی ہی گیند پر دو رنز بنا کر پاکستان کو تاریخی فتح دلا دی۔ خوشدل شاہ نے 14 رنز کی ناقابل شکست اننگز کھیلی۔
بھونیشور کمار، ارشدیپ سنگھ،روی پشنوئی، ہاردک پانڈیا نے ایک ایک وکٹ لی۔
اس سے پہلے بھارت کے اوپنرز بلے بازوں نے پہلے ہی اوور سے جارحانہ انداز اپنایا اور پاکستان کے تمام باولرز کی دھلائی کرتے ہوئے کسی نقصان کے بغیر پانچویں اوورز میں ففٹی بنا لی تھی۔
🇮🇳: Hardik is back in, while Hooda and Bishnoi get a game (No DK 👀 )
🇵🇰: Hasnain replaces Dahani https://t.co/BnVUuZNpdn | #INDvPAK | #AsiaCup2022 pic.twitter.com/Ucm96EIdwm— ESPNcricinfo (@ESPNcricinfo) September 4, 2022
بھارت کے کپتان روہت شرما 28 رنز بنا کر حارث روف کی گیند پر خوشدل شاہ جبکہ کے ایل راہول شاداب خان کی گیند پر محمد نواز کو کیچ دے بیٹھے، راہول نے بھی 28 رنز بنائے۔
Shadab has a wicket in his first ball!
India lose both their openers #INDvPAK | #AsiaCup2022
— ESPNcricinfo (@ESPNcricinfo) September 4, 2022
بعد میں محمد نواز کی گیند پر محمد آصف نے سوریا یادیو کا کیچ پکڑ لیا، انہوں نے 13 رنز بنائے۔ 10 اوورز کے اختتام پر بھارت نے 93 رنز بنائے تھے ۔
At the halfway stage of the innings, India are 93-3 🏏
A wicket each for @HarisRauf14, @76Shadabkhan and @mnawaz94 ☝️#AsiaCup2022 | #INDvPAK pic.twitter.com/T77z69oyyD
— Pakistan Cricket (@TheRealPCB) September 4, 2022
بھارتی ٹیم نے 11 ویں اوورز میں سنچری مکمل کر لی اور ان کے تین کھلاڑی آوٹ ہوئے تھے،14 ویں اوورز میں شاداب خان نے ایک اور بھارتی بیٹر کو پویلین کی راہ دکھا دی اور بھارت کے وکٹ کیپر بیٹر پینٹ کو 14 رنز پر آوٹ کر دیا، محمد آصف نے ان کا کیچ پکڑا۔
ان کی جگہ ہاردک پانڈیا کھیلنے آئے مگر اس مرتبہ محمد حسنین نے اسے صفر پر گھر بھیجوا دیا، محمد نواز نے ان کا کیچ پکڑا۔ دیپک ہودا 16 رنز پر نسیم شاہ کی گیند پر محمد نواز کو کیچ دے کر چلتے بنے۔
میچ کے آخری اوور میں بھارت کے سابق کپتان ویرات کوہلی 60 رنز بنا کر محمد آصف کے ہاتھوں رن آوٹ ہو گئے۔ بھارت نے مقررہ 20 اوورز میں 181 رنز بنائے اور اس کے 7 کھلاڑی آوٹ ہوئے۔
شاداب خان نے 2کھلاڑیوں کو آوٹ کیا جبکہ نسیم شاہ،محمد حسنین،حارث روف اورمحمدنوازنے ایک ایک وکٹ حاصل کی۔
پاکستان کی ٹیم میں ایک تبدیلی کی گئی تھی، شاہ نواز دھانی کی جگہ محمد حسنین کو ٹیم میں شامل کیا گیا تھا۔۔ بابر اعظم کی قیادت میں نائب کپتان شاداب خان، محمد رضوان، فخر زمان ، افتخار احمد،خوشدل شاہ، آصف علی ،محمد نواز،نسیم شاہ، حارث رؤف اور محمد حسنین پلیئنگ الیون کا حصہ تھے۔
ٹاس کے موقع پر گفت گو کرتے ہوئے کپتان بابر اعظم نے کہا کہ کوئی پریشر نہیں،میچ کو انجوائے کر کے کھیلیں گے، کوشش کریں گے بھارت کو کم اسکور تک محدود رکھیں۔
بھارتی کرکٹ ٹیم کے کپتان روہت شرما نے کہا کہ آج کا میچ ان کے لیے بہت اہم ہے،زیادہ کرکٹ کی وجہ سے کھلاڑی انجری کا شکار ہوئے ہیں۔
ایشیا کپ کے گزشتہ پاک بھارت میچ میں بھارت نے پاکستان کو 5 وکٹوں سے شکست دی تھی۔ اب کی بار پاکستان نے بھارت کو پانچ وکٹوں سے ہرا کر بدلہ لے لیا۔
سپر فور کے پہلے میچ میں شارجہ میں سری لنکا اور افغانستان کی ٹیمیں مد مقابل ہوئیں جس میں سری لنکا نے افغانستان کو شکست دے دی تھی۔
بھارت اور سری لنکا کی ٹیموں کے درمیان 6 ستمبر کو دبئی میں میچ ہو گا۔
یہ بھی پڑھیں: بھارتی بیٹرز کی کمزوریوں سے فائدہ اٹھانے کی کوشش کریں گے،حارث رؤف
قومی ٹیم 7 ستمبر کو افغانستان کے خلاف میچ کھیلے گی۔ 8 ستمبر کو دبئی میں بھارت اور افغانستان کی ٹیمیں مد مقابل ہوں گی اور قومی ٹیم کا 9 ستمبر کو سری لنکا سے بھی دبئی میں مقابلہ ہوگا۔
ایشیا کپ کا فائنل 11 ستمبر کو سپر فور کی 2 ٹاپ ٹیموں کے درمیان دبئی میں کھیلا جائے گا۔
