اسلام آباد: ایشیا کپ میں قومی کرکٹ ٹیم کی جانب سے بھارت کو شکست دینے پر وزیراعظم میاں شہباز شریف نے زبردست مبارکباد پیش کرتے ہوئے کہا ہے کہ شاباش ٹیم پاکستان، آپ نے قوم کے دل بھی جیت لیے ہیں۔
دبئی کا بدلہ دبئی میں : پاکستان نے بھارت کو دھول چٹا دی
ہم نیوز کے مطابق جاری کردہ بیان میں پاکستان مسلم لیگ (ن) کے مرکزی صدر میاں شہباز شریف نے کہا ہے کہ پاکستان کی جیت پر قوم اور کرکٹ کے تمام کھلاڑیوں کو مبارکباد دیتا ہوں۔
🇵🇰
— Shehbaz Sharif (@CMShehbaz) September 4, 2022
وزیراعظم میاں شہبا ز شریف نے سماجی رابطے کی ویب سائٹ پرقومی ٹیم کی فتح پہ پاکستان کا جھنڈا بھی شیئرکیا ہے۔
آج ہماری کرکٹ ٹیم اچھی کارکردگی دکھائے گی، عمران خان کی پیشن گوئی
چیئرمین پی ٹی آئی عمران خان نے بھارت کے خلاف کامیابی پر قومی کرکٹ ٹیم کو مبارکباد دیتے ہوئے کہا ہے کہ پاکستان ٹیم نے زبردست مقابلہ کیا اور کامیابی حاصل کی۔
Congratulations Team Pakistan for a great fight back and win; and for keeping your nerve under pressure. This was a much needed morale booster for the nation at a difficult time.
— Imran Khan (@ImranKhanPTI) September 4, 2022
سابق وزیراعظم عمران خان نے کہا کہ مشکل وقت میں قوم کے حوصلے بڑھانے کی ضرورت تھی۔
چیئرمین پاکستان پیپلزپارٹی اور وزیر خارجہ بلاول بھٹو زرداری نے قومی کرکٹ ٹیم کو بھارت کے خلاف جیت پر مبارکباد پیش کرتے ہوئے کہا ہے کہ کپتان سمیت تمام کھلاڑیوں کو خراج تحسین پیش کرتا ہوں۔
وزیر خارجہ بلاول بھٹو نے جاری کردہ بیان میں کہا ہے کہ دعا گو ہوں کہ ہماری کرکٹ ٹیم اور پاکستان ہمیشہ سرخرو ہوں۔
شاباش ، شاہینو، شاباش!
روایتی حریف بھارت سے حساب برابر کر نے پر قومی کرکٹ ٹیم کو دلی مبارکباد دیتا ہوں۔ قوم کو آپ پر ناز ہے۔ قومی کرکٹ ٹیم نے بہترین کھیل پیش کرکے روایتی حریف کو زیر کیا۔#INDvsPAK2022 #Pakistan #Cricket— Ch Parvez Elahi (@ChParvezElahi) September 4, 2022
وزیراعلیٰ پنجاب اور ق لیگ کے مرکزی رہنما چودھری پرویز الٰہی نے ٹیم کی کامیابی پر سماجی رابطوں کی ویب سائٹ پہ جاری کردہ بیان میں کہا ہے کہ شاباش، شاہینو، شاباش، بھارت سے حساب برابر کر نے پر قومی ٹیم کو مبارکباد دیتا ہوں، قوم کو آپ پر ناز ہے۔
شاہنواز دھانی انجری کے باعث ایشیا کپ سے باہر
وزیراعلیٰ چودھری پرویزالہٰی نے کہا کہ قومی کرکٹ ٹیم نے بہترین کھیل پیش کرکے روایتی حریف کو زیر کیا، یہی وہ جذبہ ہے جو پاکستانی قوم کو ممتاز کرتا ہے۔
انہوں نے کہا سیلاب کی تباہ کاریوں کے بڑے چیلنج سے نبردآزما قوم کیلئے آج کی جیت باعث افتخار ہے، کھلاڑیوں نے بھرپور صلاحیتوں کا مظاہرہ کیا۔
Thank you & well done Team Pakistan for bringing us joy & smiles amid a terrible calamity. Pakistan Zindabad🇵🇰 💚
— Maryam Nawaz Sharif (@MaryamNSharif) September 4, 2022
ہم نیوز کے مطابق پاکستان مسلم لیگ (ن) کی مرکزی نائب صدر مریم نواز نے قومی کرکٹ ٹیم کو شاندار کامیابی پر مبارکباد دیتے ہوئے کہا ہے کہ سیلابی آفت کے دوران چہروں پر خوشیاں لانے پر قومی ٹیم کا شکریہ۔