آرمی چیف نے یوم دفاع و شہدا بلوچستان کے سیلاب متاثرہ علاقوں میں گزارا، متاثرین سے ملاقات کی

آرمی چیف نے یوم دفاع و شہدا بلوچستان کے سیلاب متاثرہ علاقوں میں گزارا، متاثرین سے ملاقات کی

راولپنڈی: چیف آف آرمی اسٹاف جنرل قمر جاوید باجوہ نے یوم دفاع و شہدا بلوچستان کے سیلاب متاثرہ دور دراز علاقوں میں گزارا۔

سیلاب متاثرہ بہن، بھائیوں کا بوجھ کم کرنے میں کوئی کسر نہ چھوڑیں، آرمی چیف

ہم نیوز نے پاک فوج کے شعبہ تعلقات عامہ (آئی ایس پی آر) کے حوالے سے بتایا ہے کہ آرمی چیف نے بلوچستان کے سیلاب سے متاثرہ علاقوں کا دورہ کیا، وہ ضلع جعفر آباد کے علاقے اوستا محمد میں قائم فلڈ ریلیف کیمپ بھی گئے۔

آرمی چیف کو ریسکیو اور امدادی کارروائیوں پر بریفنگ دی گئی، انہوں نے فوجی جوانوں سے ملاقات کی اور سیلاب متاثرین کے لیے کی جانے والی کوششوں کو سراہا۔

آئی ایس پی آر کے مطابق جنرل قمر جاوید باجوہ نے فلڈ ریلیف اور میڈیکل کیمپوں کا دورہ کیا، مقامی لوگوں کے ساتھ وقت گزارا اور ان کے مسائل سنے۔

پاک فضائیہ کا یومِ دفاع کے موقع پر سیلاب متاثرین کیلئے امداد بڑھانے کا عزم

چیف آف آرمی اسٹاف نے سوئی کا دورہ کیا، مقامی عمائدین سے ملاقات کی اور ان کے مسائل دریافت کیے۔ مقامی افراد نے زندگی کے مشکل ترین وقت میں ان تک پہنچنے پر آرمی چیف کا شکریہ ادا کیا۔

جنرل قمر جاوید باجوہ نے ملٹری کالج سوئی کا بھی دورہ کیا، انہیں کالج میں مختلف تربیتی اور دی جانے والی تعلیمی سہولتوں پر بریفنگ دی گئی۔

آئی ایس پی آر کے مطابق چیف آف آرمی اسٹاف جنرل قمر جاوید باجوہ نے ملٹری کالج کی فیکلٹی اور طلبا سے بات چیت کی اور ادارے کے تعلیمی و تربیتی معیار کو سراہا۔

آرمی چیف نے سوات کے شہریوں سے کیا وعدہ پورا کر دیا

ہم نیوز کے مطابق اساتذہ اور طلبا نے قومی سطح کے معیار کی سہولتیں فراہم کرنے پر پاک فوج کا شکریہ ادا کیا۔ کیڈٹ کالج سوئی 2011 میں قائم کیا گیا تھا۔

متعلقہ خبریں