لاہور: پاکستان کرکٹ ٹیم کے وکٹ کیپر اور بلے باز محمد رضوان، بابر اعظم کو پیچھے چھوڑ کر ٹی 20 رینکنگ میں پہلے نمبر پر آ گئے ہیں، لیکن رضوان کا کہنا ہے کہ بادشاہ بادشاہ ہی رہتا ہے۔
محمد رضوان نے الحمداللہ کے ساتھ اپنی ٹوئٹ کا آغاز کرتے ہوئے لکھا کہ ” صرف اللہ سے ہوتا ہے، اللہ کے غیر سے نہیں ہوتا” ، اسے کپتان کے دور حکومت کا 1156 واں دن ہی شمار کریں۔
یہ بھی پڑھیں: قومی ٹیم کے کپتان بابر اعظم کا تاج رضوان نے چھین لیا
انہوں نے لکھا کہ کپتان اور میں الگ نہیں ہیں، بادشاہ بادشاہ ہی رہتا ہے، اور ہم سب ایک ہیں۔ محمد رضوان نے آخر میں اپنے مداحوں کا شکریہ ادا کرتے ہوئے لکھا کہ آپ سب کے ساتھ ، محبتوں اور دعاوں کا شکریہ، انہوں نے ہیش ٹیگ میں پاکستان زندہ باد بھی لکھا۔
Alhumdulillah. 🤲
Sirf Allah se hota hai
Allah k ghair se nahi hota.Count this as 1156th day of the reign of Kaptaan @babarazam258. Kaptaan or me alag nahi hain. The King remains the King. Hum sab aik hain.
Ap sab k saath, mohabbaton or duaon ka shukriya. #PakistanZindabad https://t.co/SGbB1wpiih
— Muhammad Rizwan (@iMRizwanPak) September 7, 2022
یاد رہے انٹرنیشنل کرکٹ کونسل (آئی سی سی) نے ٹی 20 رینکنگ جاری کر دی ہے ۔ قومی کرکٹ ٹیم کے بلے باز محمد رضوان نے ٹی 20 رینکنگ میں کپتان بابر اعظم کو پیچھے چھوڑ دیا ہے۔
قومی ٹیم کے کپتان بابر اعظم نے ایک ہزار 155 دنوں تک ٹی 20 کا تاج سرپر سجائے رکھا تاہم اب وہ اس پوزیشن سے محروم ہونے کے بعد دوسری پوزیشن پر آ گئے ہیں۔
بابر اعظم کی نمبر ون پوزیشن قومی ٹیم کے بہترین بلے باز محمد رضوان نے چھین لی۔ محمد رضوان 815 پوائنٹس کے ساتھ پہلے اور بابر اعظم 794 پوائنٹس کے ساتھ دوسری پوزیشن پر آ گئے ہیں۔
