پاکستانی آل راونڈر شاداب خان بھی بالر نسیم شاہ کے چھکوں کے معترف ہو گئے۔
افغانستان سے میچ جیتنے کے بعد شاداب خان نے ٹوئٹر پر ایک پیغام میں کہا ہے کہ جاوید بھائی اور شاہد آفریدی کے چھکوں کے بعد اب سب کو نسیم شاہ کے چھکے یاد رہیں گے۔
ٹویٹ میں انہوں نے مین آف دی میچ ایوارڈ کے ساتھ اپنی تصویر اور وننگ شاٹ لگانے والے نسیم شاہ کی تصویر بھی شیئر کی ہے۔
Javed bhai aur Shahid bhai ke chakkoon ke baad sab ko @iNaseemShah ke chakkay yaad rahein gai. Kabhi umeed na haaro. Despite the win, we realise we made some errors and will try to work on them. To the my team and our fans, love u. This MOTM award is for you. #PakistanZindabad pic.twitter.com/vBBg0stsyq
— Shadab Khan (@76Shadabkhan) September 7, 2022
ان کا کہنا ہے کہ کبھی اُمید نہ ہارو، جیت کے باوجود محسوس کیا کہ میچ میں ہم نے کچھ غلطیاں کیں، ہم انہیں ٹھیک کریں گے۔انہوں نےاپنا مین آف دی میچ ایوارڈ اپنی ٹیم اور مداحوں کے نام کیا ہے۔
واضح رہے کہ ایشیا کپ کے سپر فور مرحلے میں پاکستان نے سنسنی خیز مقابلے کے بعد افغانستان کو ایک وکٹ سے شکست دے کر فائنل کیلئے کوالیفائی کرلیا ہے۔
شاداب خان کو میچ میں بہترین پرفارمنس دکھانے پر مین آف دی میچ قرار دیا گیا تھا۔