ایشیا کپ میں پاکستان کی جیت کے بعد افغان تماشائیوں نے پاکستانی سپورٹرز کو کرسیاں دے ماریں۔
ایشیا کپ کے سپر فور مرحلے میں پاکستان سے شکست کے بعد افغان ٹیم کے مداح آپے سے باہر ہوگئے۔افغان شائقین کی جانب سے شارجہ اسٹیڈیم میں توڑ پھوڑ اور تشدد کیا گیا۔
افغان تماشائیوں نے اسٹیڈیم کی کرسیاں توڑ کر پاکستانی سپورٹرز کو دے ماریں۔افغان شائقین کی پاکستانی مداحوں پر کرسیوں سے حملہ کرنے کی ویڈیو سوشل میڈیا پر وائرل ہو گئی۔
سابق فاسٹ بالر شعیب اختر نے بھی افغان تماشیوں کی ہنگامہ آرائی کی ویڈیو شیئر کرتے ہوئے برہمی کا اظہار کیا ہے۔
This is what Afghan fans are doing.
This is what they’ve done in the past multiple times.This is a game and its supposed to be played and taken in the right spirit.@ShafiqStanikzai your crowd & your players both need to learn a few things if you guys want to grow in the sport. pic.twitter.com/rg57D0c7t8— Shoaib Akhtar (@shoaib100mph) September 7, 2022
شعیب اختر نے اپنی ٹویٹ میں کہا ہے کہ افغان شائقین کرکٹ اسٹیڈیم میں یہ سب کرتے رہے۔ اور انہوں نے ماضی میں بھی کئی بار اس طرح کا رویہ اپنایا ہے۔ یہ صرف کھیل ہےاسے صحیح جذبے کے ساتھ کھیلا اور اپنانا چاہیے۔
انہوں نے افغان کرکٹ بورڈ کے سابق سی ای او کو ٹیگ کرتے ہوئے کہا ہے کہ اگر آپ لوگ کھیل میں ترقی کرنا چاہتے ہیں تو آپ کے تماشائیوں اور آپ کے کھلاڑیوں دونوں کو کچھ چیزیں سیکھنے کی ضرورت ہے۔
