فواد خان اور وسیم اکرم کی ”منی بیک گارنٹی” فلم کا پہلا ٹیزر جاری کر دیا گیا، جس نے سب کو چونکا دیا، فلم اگلے سال ریلیز ہوگی۔
دو روز قبل ہدایت کار اور رائٹر فیصل قریشی نے اپنے میگا پراجیکٹ کا اعلان کیا تھا، جس میں پاکستان کے کئی سپر اسٹارز جلوہ گر ہونے جا رہے ہیں۔
فلم میں پہلی بار کرکٹ کی دنیا میں سوئنگ کے سلطان وسیم اکرم اداکاری کے جوہر دکھائیں گے، جبکہ ان کے ساتھ مرکزی کردار میں سپراسٹار فواد خان بھی نظر آئیں گے۔
یہ بھی پڑھیں: 1965 کی جنگ پر مبنی پاک فضائیہ کی مختصر دستاویزی فلم جاری
فلم کی دیگر کاسٹ میں وسیم اکرم کی اہلیہ شنیرا اکرم، میکال زوالفقار، عائشہ عمر، جاوید شیخ، جان ریمبو، گوہر رشید، حنا دلپزیر ، مانی، کرن ملک اور علی سفینہ شامل ہیں۔
میگا اسٹارز پر مشتمل فلم 21 مارچ 2023 کو سینما گھروں میں نمائش کے لیے پیش کی جائے گی۔
