ایشیا کپ: سری لنکا نے پاکستان کو پانچ وکٹوں سے شکست دے دی

ایشیا کپ 2022 سوپر فور مرحلے کے آخری میچ میں سری لنکا نے پاکستان کو پانچ وکٹوں سے شکست دے دی۔

دبئی میں کھیلے گئے میچ میں سری لنکا نے پاکستان کی جانب سے دیا گیا 122 رنز کا ہدف 17 ویں اوور میں باآسانی حاصل کر لیا۔

سری لنکا کے پتھم نسانکا 55 رنز بنا کے نمایاں رہے جب کہ بھانوکا راجا پاکسے24 اور داسن شاناکا نے 21 رنز بنائے۔ پاکستان کی جانب سے محمد حسنین اور حارث روف نے2،2 وکٹیں حاصل کیں۔

اس سے پہلے سری لنکا نے پاکستان کے خلاف ٹاس جیت کر فیلڈنگ کا فیصلہ کیا۔

ایشیا کپ میں دوسرے نمبر پر سب سے زیادہ اسکور کرنے والے محمد رضوان 14 رنز بنا کر پویلین لوٹ گئے۔

جب کہ میگا ٹورنامنٹ میں آؤٹ آف فارم بیٹرز بابراعظم اور فخر زمان بھی کوئی خاطر خواہ رنز بنائے بغیر آؤٹ ہو گئے۔

قومی ٹیم کا مڈل آرڈر بھی خاطر خواہ کارکردگی کا مظاہرہ دکھانے میں ناکام رہا، سری لنکا کے ہسارنگا نے قومی بیٹنگ لائن کے بکھیے ادھیڑ دیئے۔

پاکستان کی جانب سے بابراعظم 30 جب کہ محمد نواز 26 رنز بنا کر نمایاں رہے، سری لنکا کے ہسارنگا نے تین جب کہ ٹھیکسنا اور مدوشھن نے دو دو وکٹیں حاصل کیں۔

پاکستان

🏏 Sri Lanka win the toss and opt to field first 🏏

Two changes to our playing XI 👇#AsiaCup2022 | #SLvPAK pic.twitter.com/4GQSCMp7kP

— Pakistan Cricket (@TheRealPCB) September 9, 2022

فائنل سے قبل میچ میں سری لنکا اور پاکستان نے ٹیم میں دو دو تبیدلیاں کی ہیں۔قومی ٹیم میں شاداب خان اور نسیم شاہ کی جگہ عثمان قادر اور حسن علی کو شامل کیا گیا ہے۔

سری لنکا

Here’s your 🇱🇰 playing XI! 👊#RoaringForGlory #SLvPAK pic.twitter.com/NM5DHNr0jv

— Sri Lanka Cricket 🇱🇰 (@OfficialSLC) September 9, 2022