سابق آئی سی سی امپائر اور کرکٹر اسد رؤف لاہور میں انتقال کرگئے.
اسد رؤف کے بھائی طاہر نے ان کے انتقا ل کی تصدیق کر دی۔فیملی کے مطابق ان کا انتقال حرکت قلب بند ہوجانے کے باعث ہوا۔ ان کی عمر 66 برس تھی۔
اسد رؤف آئی سی سی کے ٹاپ امپائر رہے۔ انہوں نے 64 ٹیسٹ، 139 ون ڈے اور 28 ٹی ٹوئنٹی انٹرنیشنلز میں امپائرنگ کی۔اسد رؤف نے 11 ویمن ٹی ٹوئنٹی انٹرنیشنل میچز بھی سپروائز کئے۔
یہ بھی پڑھیں:بابراعظم کی کور ڈرائیو فزکس کتاب کا حصہ بن گئی
چیئرمین پی سی بی رمیز راجہ نے سابق آئی سی سی کرکٹ ایمپائر اسد رؤف کے انتقال پر افسوس کا اظہار کیا ہے۔ ان کا کہنا ہے کہ اسد روف اچھے ایمپائر ہونے کے ساتھ اچھے مزاج کے مالک بھی تھے۔
انہوں نے کہاہے کہ اسد روف کو جب بھی یاد کرتا تھا تو میرے چہرے پر خوشی بھکر جاتی تھی۔
