کراچی: ایم کیو ایم پاکستان کے کنوینر ڈاکٹر خالد مقبول صدیقی نے استفسار کیا ہے کہ موجودہ حکومت بتائے ہم آپ کا ساتھ کیوں دیں؟ آپ نے ہمارا وہ اعتماد چھین لیا جس کی وجہ سے ہم آپ کے ساتھ تھے۔
ہم نیوز کے مطابق ایم کیو ایم کارکن کی نماز جنازہ اور تدفین کے بعد ذرائع ابلاغ سے بات چیت کرتے ہوئے ڈاکٹر خالد مقبول صدیقی نے کہا کہ ایم کیو ایم اور کارکنان سوگ میں ڈوبے ہوئے ہیں، وزیراعظم آئیں اور جواب دیں۔
انہوں ںے کہا کہ کئی سال سے ہماری کوشش تھی کہ شہادتوں کا یہ سفر رکے، ہم اس وجہ سے کئی سوالات کا سامنا کرتے تھے۔
ہم نیوز کے مطابق ڈاکٹر خالد مقبول صدیقی نے کہا کہ اس شہر کی مہربانی سے ملک چل رہا ہے، آپ کا بجٹ بن رہا ہے، زبانی جمع خرچ کا وقت چلا گیا، اب عملی اقدامات کریں گے۔
انہوں ںے کہا کہ وزیراعظم نے آج فجر کی نماز کے بعد ملاقات کی اور کہا کہ جواب دیں گے، وزیر اعظم مقتول کارکنان کے لواحقین کو خود آ کر جواب دیں ، ان حالات میں حکومت کس طرح چل پائے گی؟
لاپتہ افراد کی تلاش میں کوئی کسر نہیں چھوڑوں گا، وزیراعظم کی عدالت کو یقین دہانی
واضح رہے کہ ڈاکٹر خالد مقبول صدیقی اور وفاقی وزیر سید امین الحق کی گزشتہ روز وزیر داخلہ رانا ثنا اللہ اور سردار ایاز صادق سے بھی ملاقات ہوئی تھی جس میں لاپتہ افراد کی نعشیں ملنے کی آزادانہ تحقیقات کرانے کا فیصلہ کیا گیا تھا۔
