راولپنڈی: سابق وزیر داخلہ شیخ رشید احمد نے کہا ہے کہ گینگ آف تھری زرداری، نواز، فضل الرحمان الیکشن نہیں روک سکتے۔
سابق وزیر داخلہ اور عوامی مسلم لیگ کے سربراہ شیخ رشید احمد نے سماجی رابطے کی ویب سائٹ ٹوئٹر پر لکھا کہ پاکستان ڈیمو کریٹک موومنٹ (پی ڈی ایم) کرپشن بچاؤ کے بعد سیاست بچاؤ مہم پر ہے۔
انہوں ںے کہا کہ 6 ماہ میں معیشت نہیں سدھری، برآمدات نہیں بڑھیں اور ملک میں مہنگائی میں اضافہ ہو رہا ہے، ڈالر نہیں رکا۔ مزید ڈیڑھ کروڑ لوگ خط غربت سے نیچے چلے گئے۔
یہ بھی پڑھیں: حکومت کو آخری موقع دے دیا، شہباز شریف عقلمندی کا مظاہرہ کریں، فواد چودھری
شیخ رشید احمد نے کہا کہ اقتصادی صورتحال انتہائی نازک ہو گئی ہے جبکہ گینگ آف تھری زرداری، نواز، فضل الرحمان الیکشن نہیں روک سکتے۔ ملک میں نہ باہر سے امداد آئی اور نہ ہی اندر سے مدد ملی۔
پی ڈی ایم کرپشن بچاؤ کےبعدسیاست بچاؤمہم پرہے6ماہ میں معیشت نہیں سدھری،برآمدات نہیں بڑھیں،مہنگائی اورڈالرنہیں رکا۔مزیدڈیڑھ کروڑلوگ خط غربت سےنیچےچلے گئےاقتصادی صورتحال انتہائی نازک ہوگئی ہے۔گینگ آف تھری زرداری،نواز،فضل الرحمان الیکشن نہیں روک سکتے۔نہ باہرسےامدادآئی،نہ اندرسےمددملی
— Sheikh Rashid Ahmed (@ShkhRasheed) September 17, 2022
