اسلام آباد: چیئرمین پاکستان تحریک انصاف عمران خان نے کہا ہے کہ آرمی چیف کی تعیناتی پر سزا یافتہ نواز شریف سے وزیراعظم کی مشاورت ان کے حلف کی خلاف ورزی ہے۔
شہباز شریف کی نواز شریف اور اسحاق ڈار سے ملاقات خلاف حلف قرار: پی ٹی آئی کا عدالت جانیکا فیصلہ
ہم نیوز کے مطابق سابق وزیراعظم عمران خان نے سماجی رابطوں کی ویب سائٹ ’ٹوئٹر‘ پر یہ بات جاری کردہ بیان میں کہی ہے۔ انہوں نے سماجی رابطوں کی ویب سائٹ پر وزیراعظم کے حلف نامے کی کاپی بھی شیئر کردی ہے۔
کرائم منسٹر کیجانب سےآرمی چیف کی تعیناتی اور دیگرریاستی معاملات پر عدالت سےسزا یافتہ نوازشریف سےمشاورت اور وزراء کےبیانات کہ وہ نوازشریف سے مشاورت کے بعد آرمی چیف مقرر کریں گے،سب آفیشل سیکرٹ ایکٹ (سیکشن 5:1) ہی کی خلاف ورزی نہیں بلکہ انکےعہدوں کےحلف سےبھی مکمل انحراف ہے۔ pic.twitter.com/ejs6UtajEe
— Imran Khan (@ImranKhanPTI) September 20, 2022
چیئرمین پی ٹی آئی عمران خان نے مؤقف اختیار کیا ہے کہ آرمی چیف کی تعیناتی اور دیگر ریاستی معاملات پر عدالت سے سزا یافتہ نواز شریف سے مشاورت اور وزرا کے بیانات کہ وہ نواز شریف سے مشاورت کے بعد آرمی چیف مقرر کریں گے، سب آفیشل سیکرٹ ایکٹ (سیکشن 5:1) ہی کی خلاف ورزی نہیں بلکہ ان کے عہدوں کے حلف سے بھی مکمل انحراف ہے۔