قومی ہاکی ٹیم کے نائب کپتان عماد بٹ اور کھلاڑی مبشر علی نے پی ایچ ایف سے راہیں جدہ کرلیں۔
عماد بٹ نے پاکستان ہاکی فیڈریشن کو خط لکھ کر اپنے فیصلے سے آگاہ کردیا۔ عماد بٹ نے اپنے خط میں بطور کھلاڑی کھیل ریٹائرمنٹ لینے کا اعلان کردیا۔
انہوں نے کہا ہے کہ مالی مشکلات کے باعث مزید پاکستان کے لئے ہاکی نہیں کھیل سکتا۔مجھے اپنی فیملی کے لئے دیگر آپشنز پر غور کرنے کی ضرورت ہے۔
ان کاکہنا ہے کہ میری بیرون ملک کچھ ذمہ داریاں ہے جن کو اب مجھے پورے کرنا ہے۔ امید ہے پی ایچ ایف میرے فیصلے کو عزت کی نگاہ سے دیکھے گی۔
یہ بھی پڑھیں:گول کرنے کی کوشش میں رونالڈو زخمی
عماد بٹ کے بعد مبشر علی نے بھی ہاکی سے ریٹائرمنٹ کا اعلان کردیا۔ قومی کھلاڑی مبشر علی نے بھی مالی مشکلات کا جواز بنا کر قومی کھیل کو خیرباد کہہا ہے۔
ان کا کہنا ہے کہ بیرون ملک ہاکی کھیلنے کی پہلی بھی بہت آفرز تھیں۔ مجھے اپنی فیملی کے اچھے مستقبل کے بارے میں سوچنا ہے۔
