پاکستان اور انگلینڈ کی ٹیمیں آج لاہور پہنچیں گی

 پاک انگلینڈ ٹی ٹوئنٹی سیریز  کے آخری تین میچوں کے لیے پاکستان اور انگلینڈ  کی ٹیمیں آج لاہور پہنچیں گی۔

دونوں ٹیمیں خصوصی طیارے کے ذریعے کراچی سے لاہور پہنچیں گی۔  7 میچوں کی سیریز کے آخری تین میچ لاہور میں کھیلے جائیں گے۔

دونوں ٹیموں کا آج لاہور میں ٹریننگ سیشن شیڈول نہیں ہے۔پاکستان اور انگلینڈ کی ٹیمیں کل شام قذافی اسٹیڈیم میں ٹریننگ کریں گی۔

یہ بھی پڑھیں:ٹی ٹوئنٹی: پاکستان نے انتہائی سنسنی خیز مقابلے کے بعد انگلینڈ کو شکست دیدی

دونوں ٹیموں کے درمیان 28ستمبر،30 ستمبر اور 2 اکتوبر کو میچ  قذافی اسٹیڈیم میں شیڈول ہیں۔

واضح رہے کہ سیریزاب تک  دونوں ٹیموں میں دو  دو میچوں سے برابر ہے۔ کراچی میں کھیلا گیا پہلا  اور تیسرا میچ  مہمان ٹیم نے جیتا تو دوسرا اور چوتھا میچ گرین شرٹس نے اپنے نام کیا۔