انگلینڈ کے خلاف ٹی ٹوئنٹی سیریز کے چوتھے میچ میں جہاں پاکستانی ٹیم نے شاندار فتح حاصل کی وہیں پاکستانی اوپنرز بابر اعظم اور محمد رضوان نے ایک اور اعزاز اپنے نام کر لیا۔
بابر اعظم اور محمد رضوان کی جوڑی نے سب کو پیچھے چھوڑ دیا، ٹی ٹوئنٹی انٹرنیشنل میں 2 ہزار رنز بنانے والی پہلی جوڑی بن گئے۔
پاکستان کرکٹ ٹیم کے اوپنرز بابر اعظم اور محمد رضوان کی جوڑی اب تک ایک ساتھ 2043 رنز کی اننگز کھیل چکی ہے، جبکہ فہرست میں دوسرے نمبر پر بھارت سے شیکھر دھون اور روہیت شرما کی جوڑی ہے، جو 1743 رنز کی شرکت داری بنانے میں کامیاب ہوئے ہیں۔
یاد رہے پاک انگلینڈ دوسرے ٹی ٹوئنٹی میچ میں کپتان بابر اعظم اور محمد رضوان کی جوڑی نے ہدف کے تعاقب میں بغیر آوٹ ہوئے 203 رنز کی پارٹنر شپ بنا کر نیا ریکارڈ بنایا تھا۔
