روپے نے ڈالر کے پر کاٹ دیے۔ قیمت بڑی کمی کے بعد229 روپے ہو گئی۔
روپے کے مقابلے میں امریکی ڈالر کی قیمت میں کمی کا رجحان برقرار ہے۔انٹر بینک میں ڈالر3 روپے12 پیسے مزید سستا ہوگیا۔
فاریکس ڈیلرز ایسوسی ایشن کے مطابق انٹر بینک میں ڈالر 229 روپے کی سطح پر ٹریڈ کر رہا ہے۔
یہ بھی پڑھیں:کل رات کو ہم پہنچے ہیں اور ڈالر دس روپے نیچے آ گیا، اسحاق ڈار
گزشتہ روز انٹر بینک میں ڈالر 232 روپے 12پیسے کی سطح پربند ہواتھا۔ نئے وزیر خزانہ اسحاق ڈارکی آمد کےبعد ڈالر کی قیمت میں 4 روپے50 پیسے تک گراوٹ ہوچکی ہے۔
فاریکس ڈیلرز کے کہنا ہے کہ پانچ مختلف سیشنزمیں ڈالر اب تک 9 روپے96 پیسوں تک سستا ہوچکا ہے۔ڈالر233 روپے50 پیسےسےکم ہوکر229 روپے تک پہنچ گیا ہے۔
