اسلام آباد: وفاقی وزیر اطلاعات مریم اورنگزیب نے کہا ہے کہ عمران خان نے ثابت کیا وہ عورتوں کی توہین اور تحقیر کرتے ہیں۔
وفاقی وزیر اطلاعات مریم اورنگزیب نے شیریں مزاری کی طرف سے مسلم لیگ ن کی نائب صدر مریم نواز کی عمران خان کے ساتھ فوٹو شاپ تصویر لگانے پر کہا کہ مریم نواز کی عمران خان کے بارے میں رائے بالکل درست ہے۔
انہوں نے کہا کہ بدقسمتی سے ہمیں یہ معذرت خواہانہ عذر بیان کرنا پڑتا ہے کہ ایک ایسے شخص کا نام مجبوراً لینا پڑتا ہے جو خواتین کو کم تر مخلوق سمجھنے کی ذہنی بیماری میں مبتلا ہے اور ہر روز کم ظرفی کے ایک نئے پاتال میں اتر جاتا ہے۔
صُمّم بُکْم عُمْی فَھُمْ لَا یَرْجِعُوْن (البقرة:١٨)
بہرے ہیں، گونگے ہیں، اندھے ہیں اب یہ نہیں پلٹیں گے
Maryam Nawaz is right about Imran Khan. It’s unfortunate that we have to even mention this sorry excuse for a human being who continues to stoop to new lows of misogyny (1/3) https://t.co/4U5u1axl5B— Marriyum Aurangzeb (@Marriyum_A) October 2, 2022
مریم اورنگزیب نے کہا کہ عمران خان نے ہر بار یہی ثابت کیا کہ وہ عورتوں کی توہین اور تحقیر کرتے ہیں۔ اُن کی عزت واحترام سے نابلد ہے اور خواتین کو محض اشیا سمجھ کر بدکلامی ہی نہیں بلکہ ہراساں بھی کرتے ہیں۔ انہوں نے اپنی جماعت اور حامیوں میں یہی بیمار ذہنیت پھیلائی اور اُس کی حوصلہ افزائی کی۔
Imran Khan has proven, time and again,that he is a misogynist who has no respect for women & that he considers them to be nothing more than objects to be abused & harassed.He has encouraged & inculcated this behaviour and mindset both in his party members and his followers.
(2/3)— Marriyum Aurangzeb (@Marriyum_A) October 2, 2022
انہوں نے کہا کہ یہ امر خاص طور پر نہایت مایوس کُن اور افسوسناک ہے کہ پی ٹی آئی کی خواتین لیڈرز اور حامی اِس رویے کو درست قرار دے کر نہ صرف اس پر کاربند بلکہ جشن بھی منارہی ہیں۔
مریم اورنگزیب نے کہا کہ یہ نہایت شرمناک اور اس امر کی حقیقی جھلک ہے کہ عمران خان درحقیقت کس قدر چھوٹا آدمی ہے۔
It is especially disappointing and sad to see female party members and followers of PTI not only condoning such behaviour but partaking in it and celebrating it too. This is extremely shameful and is a true reflection of how small a man IK really is.
(3/3)— Marriyum Aurangzeb (@Marriyum_A) October 2, 2022
واضح رہے کہ شیریں مزاری یہ تصویر ڈیلیٹ کر کے مریم نواز سے معافی مانگ چکی ہیں۔