رانا ثنا اللہ نے یقین دہانی کرائی ہے صبح مسئلہ حل کریں گے، ہم انتظار کریں گے، چیئرمین کسان اتحاد

رانا ثنا اللہ نے یقین دہانی کرائی ہے صبح مسئلہ حل کریں گے، ہم انتظار کریں گے، چیئرمین کسان اتحاد

اسلام آباد: چیئرمین کسان اتحاد خالد حسین باٹھ نے کہا ہے کہ وفاقی وزیر داخلہ رانا ثنا اللہ نے یقین دہانی کرائی ہے کہ صبح ہمارا مسئلہ حل کریں گے، ہم صبح تک انتظار کریں گے۔

کسانوں کو پہلے سیلاب نے تباہ کیا، اب حکومت نہیں پوچھ رہی، ان کیساتھ مذاکرات کیے جائیں، سینیٹر کامل آغا

ہم نیوز کے مطابق ذرائع ابلاغ سے گفتگو کرتے ہوئے خالد حسین باٹھ نے ایک سوال کے جواب میں کہا کہ جہاں اتنی راتیں یہاں گزاری ہیں وہاں ایک اور سہی۔ اس موقع پر کسان اتحاد کے دیگر رہنما بھی موجود تھے۔

انہوں نے کہا کہ رانا ثنا اللہ نے کہا ہے کہ آپ کے مسئلے کے حل کے لیے کام کر رہے ہیں، وزیراعظم سے ملاقات کے لیے تھوڑا وقت دیا جا رہا تھا، ہم نے کہا کہ تھوڑے وقت کیلئے نہیں ملیں گے۔

ہم نیوز کے مطابق چیئرمین کسان اتحاد خالد حسین باٹھ نے کہا کہ وزیراعظم کے کل کے شیڈول میں ہماری ملاقات کے بارے میں آگاہ کیا جائے گا۔

کسانوں کا دھرنا بلاجواز ہے، ریڈ زون میں احتجاج کی اجازت نہیں، وزیر داخلہ

واضح رہے کہ ق لیگ کے مرکزی رہنما سینیٹر کامل علی آغا نے آج ہی سینیٹ میں کسان اتحاد کی جانب توجہ مبذول کراتے ہوئے حکومت سے مطالبہ کیا ہے کہ ان سے مذاکرات کیے جائیں اور ان کے مسائل حل کیے جائیں۔ اس حوالے سے انہوں نے حکومت کو کڑی نکتہ چینی کا بھی نشانہ بنایا ہے۔

متعلقہ خبریں