تحریک انصاف دھرنے کو مکمل ٹریٹمنٹ فراہم کریں گے، تیاری رکھیں، آنے والے بنیں، وزیر داخلہ

اسلام آباد: وفاقی وزیر داخلہ رانا ثنا اللہ نے کہا ہے کہ تحریک انصاف کے دھرنے کو مکمل ٹریٹمنٹ فراہم کریں گے، وہ بس تیاری رکھیں اور آنے والے بنیں، عمران خان کے دھرنے کو سنبھالنے کی تیاری پوری ہے۔

پی ٹی آئی کے لانگ مارچ کو اسلام آباد میں داخل نہیں ہونے دیا جائیگا، رانا ثنا اللہ کی زیر صدارت اجلاس میں فیصلہ

ہم نیوز کے مطابق پاکستان مسلم لیگ (ن) سے تعلق رکھنے والے وفاقی وزیر داخلہ رانا ثنا اللہ نے یہ بات کسان اتحاد کے دھرنے میں ذرائع ابلاغ سے گفتگو کرتے ہوئے کہی۔

انہوں نے الزام عائد کیا کہ تحریک انصاف کے لوگ اسلام آباد پر چڑھائی چاہتے ہیں، اس دھرنے کا تسلی بخش علاج کیا جائے گا، آئین کے آرٹیکل 245 کے تحت رینجرز اور پولیس سمیت تمام ادارے شامل ہوں گے۔

صدر کی وجہ سے لانگ مارچ نہیں ہو رہا، اسحاق ڈار کے آنے سے معیشت بہتر ہوتی ہے تو اچھی بات ہے، فواد چودھری

ہم نیوز کے مطابق وفاقی وزیر داخلہ رانا ثنا اللہ نے کہا کہ پوری قوم جانتی ہے کہ عمران خان ملک کو تقسیم کرنا چاہتا ہے، بہت جلد اس فتنے کا قلع قمع کیا جائے گا۔