عمران خان سوالوں کا جواب دیں پھر لانگ مارچ کا اعلان کریں، مریم اورنگزیب

کورٹ آرڈر لے آئیں، شہباز گل سے مل لیں، عمران خان احسان فراموش ہیں، مریم اورنگزیب

اسلام آباد: وفاقی وزیر اطلاعات مریم اورنگزیب نے کہا ہے کہ عمران خان پہلے ہمارے سوالات کا جواب دیں پھر لانگ مارچ کا اعلان کریں۔

وفاقی وزیر اطلاعات مریم اورنگزیب نے میڈیا سے گفتگو میں کہا کہ کشمیر فروش اسلام آباد کیا کرنے آرہے ہیں اور عمران خان پہلے ہمارے سوالات کا جواب دیں پھر لانگ مارچ کا اعلان کریں۔

انہوں نے کہا کہ اداروں کے خلاف تقاریر کرنے والے اسلام آباد کیا کرنے آئیں گے جبکہ سیلاب متاثرین کی مدد کرنے کے بجائے لانگ مارچ کی تیاری کی جا رہی ہے۔

یہ بھی پڑھیں: عمران خان جانتے ہیں انتشار کی کال پر لوگ نہیں نکلیں گے، شیری رحمان

مریم اورنگزیب نے کہا کہ قومی مفادات کے ساتھ یہ گھناؤنا اور سنگین کھیل کب تک کھیلتے رہیں گے جبکہ سیلاب متاثرین کی مدد کرنے کے بجائے لانگ مارچ کی تیاری کی جا رہی ہے۔

انہوں نے کہا کہ پاکستان کی معیشت کو دیوالیہ کرنے کی سازش کرنے والا غیر ملکی ایجنٹ اسلام آباد کیا کرنے آ رہا ہے ؟ عدلیہ اور ججوں کو دھمکانے، اداروں پر بہتان لگانے والا اسلام آباد کرنے کیا آ رہا ہے؟ کشمیر فروش غیر ملکی ایجنٹ اسلام آباد کیا کرنے آ رہا ہے ؟ توشہ خانہ کا چور اسلام آباد کیا کرنے آ رہا ہے؟

متعلقہ خبریں