وزیر اعظم فلڈ ریلیف ویلیج کے 100 گھر تیار


اسلام آباد: وزیر اعظم شہباز شریف نے کہا ہے کہ 100 گھروں کی تعمیر سیلاب متاثرین کی آبادکاری میں اہم قدم ثابت ہو گی۔

وزیراعظم سے منزیز گلوبل ایوی ایشن کے سی ای او فلپ جوئننگ نے ملاقات کی اور وزیر اعظم نے فلپ جوئننگ کا 100 گھر تعمیر کرنے پر شکریہ ادا کرتے ہوئے کہا کہ 100 گھروں کی تعمیر سیلاب متاثرین کی آبادکاری میں اہم قدم ثابت ہو گی۔

وزیر اعظم آفس کے ترجمان نے اپنے جاری ایک بیان میں کہا کہ متاثرین سیلاب سے وزیر اعظم نے وعدہ پورا کر دکھایا اور فلڈ ریلیف ویلیج کے 100 گھر تیار کر لیے۔

یہ بھی پڑھیں: تھر کول مائنز کو ریلوے لائن سے منسلک کرنے کے منصوبے کو 23 مارچ تک مکمل کرنیکی ہدایت

ترجمان وزیر اعظم آفس نے کہا کہ ٹانک میں سیلاب متاثرین کے لیے گھروں کو 5 اکتوبر کو ریکارڈ 24 دن میں تعمیر کیا گیا، سولر سسٹم کی سہولت سے آراستہ اسکول، کلینک اور ٹیوب ویل بھی قائم کیے گئے۔ یہ گھرسخت موسمی حالات کا مقابلہ کرسکتے ہیں۔

واضح رہے کہ وزیر اعظم نے 2 ستمبر کو ٹانک کے دورے کے دوران 100 مکانات کی تعمیر کا وعدہ کیا تھا۔ 3 ستمبر کو جگہ منتخب ہوئی اور 7 ستمبر کو دونوں مقامات کا سروے مکمل کر کے 11 ستمبر کو تعمیر کا آغاز ہوا۔


متعلقہ خبریں