تحریک انصاف کے رہنما اسد عمر نے کہا ہےکہ امپورٹڈ حکومت آنے کے بعد بات ایٹمی اثاثوں تک پہنچ گئی ہے، نکلو پاکستان کی خاطر اور ووٹ ڈالو۔
سماجی رابطے کی ویب سائٹ ٹوئٹر پر اپنے ایک پیغام اور میڈیا سے گفت گو میں اسد عمر نے کہا کہ امپورٹڈ حکومت آنے کے بعد مہنگائی اور ملک کے دیوالیہ ہونے کی بازگشت تھی،اب بات ایٹمی اثاثوں تک پہنچ گئی ہے۔
امپورٹڈ حکومت آنے کے بعد سب سے پہلے تاریخ کی بدترین مہنگائی، پھر ملک کے دیوالیہ ہونے کے خطرے کی بازگشت، اور اب بات ایٹمی اثاثوں تک پہنچ گئی ہے. نکلو پاکستان کی خاطر. ووٹ ڈالو. #بلے_پہ_ٹھپہ pic.twitter.com/dkmtqyta6T
— Asad Umar (@Asad_Umar) October 16, 2022
اسد عمر نے کہا کہ اگر آپ کے حلقے میں الیکشن ہے تو حقیقی آزادی کی تحریک میں اپنا حصہ ڈالیں۔
اگر آپ کے حلقے میں آج الیکشن ہے، اپنے ووٹ سے حقیقی آزادی کی تحریک میں اپنا حصہ ڈالیں.#بلے_پہ_ٹھپہ
— Asad Umar (@Asad_Umar) October 16, 2022
اسد عمر نے کہا کہ انہیں اس الیکشن کمیشن سے زیادہ امید نہیں ،رانا ثنااللہ نے وزیر ہوتے ہوئے الیکشن کمپین کی، الیکشن کمیشن پر لوگوں کی نظر ہے، سارے پاکستان میں عمران خان کا ووٹ ہے۔
یہ جتنی مرضی دھاندلی کی کوشش کر لیں، عمران خان کے ووٹرز کو نہیں روک سکتے، اسد عمر نے الزام عائد کیا کہ کراچی ملیر کے حلقے میں اسپیشل برانچ کے لوگ اندر بیٹھے ہوئے ہیں، آزاد اور شفاف الیکشن ہو تو 2 تہائی اکثریت سے عمران خان حکومت میں آئیں گے۔
اسد عمر نے کہا کہ اسحاق ڈار اس دعوے سے آئے تھے کہ عوام کو ریلیف دیں گے،کچھ کرنے کے ضرورت نہیں ، عالمی منڈی میں گری قیمتوں کو عوام تک پہنچانا تھی۔
آئی ایم ایف سے انہیں ٹکا سا جواب مل گیا ہے، انہوں نے غلامی والا ہی کام کیا ہے،آئی ایم ایف نے ان پر پہلے الزام لگایا تھا کہ یہ اعدادوشمار میں ہیر پھیر کرتے ہیں،بڑے بڑے بلوں کے باوجود بجلی کی لوڈ شیڈنگ کی جارہی ہے،
اسد عمر نے کہا کہ حقیقت کچھ اور ہے سازش کرنے والے کمروں میں کچھ اور نظر آتا ہے۔
